پرەزيدەنت • 28 قاراشا، 2022

قاسىم-جومارت توقاەۆ ۆلاديمير پۋتينمەن كەزدەستى

110 رەت كورسەتىلدى

قاسىم-جومارت توقاەۆ ۆلاديمير پۋتينگە قازاقستان پرەزيدەنتى بولىپ قايتا سايلانۋىمەن قۇتتىقتاعانى جانە ىزگى تىلەگى ءۇشىن العىس ايتىپ، ەكى ەل اراسىنداعى قارىم-قاتىناسقا جوعارى باعا بەردى، دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.

– ەڭ الدىمەن، قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىما وراي جەكە قۇتتىقتاعانىڭىز ءۇشىن العىس ايتقىم كەلەدى. شىن مانىندە، العاشقى شەتەلدىك ساپارىم وسى ەلگە، رەسەي فەدەراتسياسىنا جاسالىپ وتىر. مۇنىڭ تەرەڭ ساياسي ءمانى بار. البەتتە، بۇل ساپاردىڭ بەلگىلى ءبىر سيمۆولدىق ءمانى بار. ەكىنشى جاعىنان، بۇل قالىپتى جاعداي، ويتكەنى مەملەكەتتەرىمىز اراسىنداعى ىنتىماقتاستىق تۋرالى اڭگىمە ءوربىپ وتىر. بيىل ءبىز ديپلوماتيالىق قارىم-قاتىناستىڭ ورناعانىنا 30 جىل تولعانىن اتاپ وتتىك. بۇگىن وسى تاريحي داتاعا ارنالعان دەكلاراتسياعا قول قويامىز – دەدى مەملەكەت باسشىسى.

پرەزيدەنتتىڭ ايتۋىنشا، قازاقستان مەن رەسەي اراسىنداعى ساۋدا-ەكونوميكالىق بايلانىستار بەلسەندى دامىپ كەلەدى.

– قازاقستان ءۇشىن رەسەي فەدەراتسياسى نەگىزگى ستراتەگيالىق سەرىكتەس مەملەكەت بولادى جانە سولاي بولىپ قالا بەرەدى. ءبىزدى ءتۇرلى سالاداعى تەرەڭ قارىم-قاتىناستار بايلانىستىرادى. ءسىز وڭىرارالىق ىنتىماقتاستىق فورۋمىنىڭ كەزەكتى وتىرىسىن مەڭزەدىڭىز. بۇل جولى ول ورىنبوردا ءوتىپ جاتىر. ءبىزدىڭ ودان ءارى ىلگەرىلۋىمىزگە ەلەۋلى نەگىز بار. ءبىزدىڭ ەلدەرىمىز اراسىنداعى ساۋدا كولەمى پاندەمياعا بايلانىستى قيىندىقتارعا قاراماستان 24،5 ميلليارد دوللارعا جەتتى. رەسەي كاپيتالىنىڭ ءبىزدىڭ ەلىمىزگە باعىتتالۋىنا قاتىستى ۇلكەن جوسپارىمىز بار. مەن مەملەكەت باسشىسى رەتىندە جانە ءبىزدىڭ ۇكىمەتىمىز ءوزارا ءتيىمدى شارتتار نەگىزىندە رەسەي كاپيتالى قازاقستاندا تۇراقتى جۇمىس ىستەۋى ءۇشىن قولىمىزدان كەلگەننىڭ ءبارىن جاسايمىز. ەكى ەل اراسىنداعى ىنتىماقتاستىقتىڭ دامۋ دەڭگەيىنە كوڭىلىمىز تولادى دەۋگە نەگىز بار. سونىمەن قاتار العا ۇمتىلۋ كەرەك، ءدال وسى ماقساتپەن مەن وسىندا ارنايى ساپارمەن كەلدىم، – دەدى قاسىم-جومارت توقاەۆ.

ۆلاديمير پۋتين مەملەكەت باسشىسىن سايلاۋداعى سەنىمدى جەڭىسىمەن جانە پرەزيدەنت قىزمەتىنە كىرىسۋىمەن تاعى دا قۇتتىقتادى.

– ەڭ الدىمەن، قاسىم-جومارت كەمەل ۇلىنا شىن جۇرەكتەن ءىلتيپات بىلدىرەمىن. ول قازاقستان پرەزيدەنتى بولىپ قايتا سايلانعاننان كەيىنگى العاشقى رەسمي ساپارىن رەسەيگە جاسادى. مەن ونى سايلاۋداعى سەنىمدى جەڭىسىمەن تاعى دا قۇتتىقتاعىم كەلەدى جانە ەلدىڭ ساياسي، الەۋمەتتىك-ەكونوميكالىق ومىرىندەگى اۋقىمدى وزگەرىستەرگە قاتىستى بارلىق جوسپارىن جۇزەگە اسىرۋدا ساتتىلىك تىلەيمىن، – دەدى رەسەي باسشىسى.

رەسەي پرەزيدەنتى سونداي-اق قازاقستان مەن رەسەي اراسىنداعى بايلانىستاردىڭ جوعارى دەڭگەيى مەن ەرەكشە سيپاتىن اتاپ ءوتتى.

– ارينە، قازاقستان پرەزيدەنتىمەن ءجيى كەزدەسىپ تۇرامىز، جاقىندا عانا جۇزدەسكەن بولاتىنبىز. ءبىز ارقاشان ءار كەزدەسۋىمىزدە وزەكتى ماسەلەلەردى تالقىلايمىز. ەڭ الدىمەن، ەكونوميكا ماسەلەسىن كوتەرەمىز. ويتكەنى بۇل – ءبىزدىڭ بارلىق سالاداعى تابىستارىمىزدىڭ نەگىزى. ءبىز ونى جوعارى باعالايمىز. جاڭا عانا تۇراقتى تۇردە وتەتىن وڭىرارالىق فورۋمعا قاتىستىق. وندا دا ءبىزدىڭ ارىپتەستەر ايتارلىقتاي ناقتى ناتيجەلەرگە قول جەتكىزەتىنىنە سەنىمدىمىن، سەبەبى ساۋدانىڭ دەنى شەكارالاس ايماقتار ارقىلى وتەدى. ادامدار ءبىر-بىرىمەن ارالاسادى، ءبىر-ءبىرىنىڭ مۇمكىندىكتەرىن جاقسى بىلەدى. ءبىز قازىر 2021 جىلى تاۋار اينالىمىنىڭ وسكەنىن اتاپ وتتىك. 2022 جىلى دا تۇراقتى ارتىپ كەلەدى. سونداي-اق ءداستۇرلى باعىتتاردا، جوعارى تەحنولوگيالىق سالالاردا جۇمىس ىستەپ جاتىرمىز، بۇل بولاشاق ءۇشىن وتە ماڭىزدى، – دەدى ۆلاديمير پۋتين.

قازاقستان مەن رەسەي پرەزيدەنتتەرى ءداستۇرلى تۇردە ءوزارا سەنىم مەن كونسترۋكتيۆتى نەگىزدە ەكىجاقتى سەرىكتەستىكتى ودان ءارى نىعايتۋ جولدارىن ايقىندادى. ونەركاسىپتىك قاتىناستار مەن كولىك-لوگيستيكا سالاسىنداعى ەكونوميكالىق ءىس-ارەكەتتەردى كۇشەيتۋ باستى مىندەت بولىپ قالا بەرەدى.

كەزدەسۋ سوڭىندا قاسىم-جومارت توقاەۆ پەن ۆلاديمير پۋتين ديپلوماتيالىق قاتىناستاردىڭ 30 جىلدىعىنا وراي قازاقستان رەسپۋبليكاسى مەن رەسەي فەدەراتسياسى اراسىنداعى دەكلاراتسياعا قول قويدى.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار