پارلامەنتتىڭ اشىق وتىرىسىندا ۇلتتىق قاۋىپسىزدىك جانە سىرتقى ساياسات كوميسسياسىنىڭ يران ۇكىمەتىنىڭ شىۇ-عا قوسىلۋى تۋرالى زاڭ جوباسى قارالدى.
قۇجاتتى قابىلداۋعا 205 دەپۋتات داۋىس بەردى.
پارلامەنتتىك كوميسسيادا تۇسىندىرگەندەي, يران شىۇ-عا كىرۋ ءۇشىن ۇيىم قۇرىلعاننان بەرى بەكىتىلگەن قۇجاتتاردى قابىلداۋى كەرەك.
ايتا كەتەيىك, شىۇ – 2001 جىلى 15 ماۋسىمدا قىتاي, رەسەي, قازاقستان, تاجىكستان, قىرعىزستان جانە وزبەكستان باسشىلارى قۇرعان حالىقارالىق ۇيىم. ودان كەيىن ءۇندىستان مەن پاكىستان شىۇ-عا قوسىلىپ, 2021 جىلدىڭ ورتاسىندا شىۇ باسشىلارى دۋشانبەدە وتكەن سامميتتە يراننىڭ ۇيىمعا تولىققاندى مۇشەلىككە قابىلدانۋىن ماقۇلدادى.
