مەملەكەتتىك رامىزدەر ورنىمەن پايدالانىلسىن

كەشە مەملەكەتتىك حاتشى – سىرتقى ىستەر ءمينيسترى قانات ساۋداباەۆتىڭ توراعالىعىمەن مەملەكەتتىك رامىزدەر جونىندەگى رەسپۋبليكالىق كوميسسيانىڭ  كەزەكتى ءماجىلىسى بولىپ ءوتتى. اتالعان ءماجىلىس جۇمىسىنا كوميسسيا مۇشەلەرى, پارلامەنت دەپۋتاتتارى, ۋاكىلەتتى مەملەكەتتىك ورگاندار مەن قوعامدىق ۇيىمداردىڭ وكىلدەرى قاتىستى. ەلىمىزدە مەملەكەتتىك رامىزدەردى پايدالانۋ جانە ولاردى قولدانۋ سالاسىندا كوپتەگەن جۇمىستار اتقارىلدى. بۇگىندە ولاردى تەك ەل ىشىندە عانا ەمەس, بۇكىل الەم بىلەدى دەسەك ارتىق ەمەس. بۇعان ەلباسى دا ەرەكشە ءمان بەرەدى. سوندىقتان دا كوميسسيانىڭ بۇگىنگى وتىرىسى مەملەكەتتىك رامىزدەر كۇنى مەن كونستيتۋتسيانىڭ 15 جىلدىعىنىڭ قارساڭىندا ءوتىپ وتىر. بۇل ايرىقشا ءمانى بار ساتتەر ەلىمىزدىڭ تاري­حىن­داعى ەلەۋلى كەزەڭدەرگە اينالعانى اقيقات. وتكەن 18 جىل بارىسىندا مەملەكەتتىك رامىزدەر ەلىمىزدى تانى­تۋدىڭ جانە شەتەلگە دە تاۋەلسىز قازاقستاننىڭ گۇلدەنۋىنىڭ شىنايى شىندىعىن كورسەتۋدىڭ كورىنىسى بولدى, دەدى قانات ساۋداباەۆ. مەملەكەتتىك رامىزدەرىمىزدىڭ ماڭى­زى ودان ءارى ارتا بەرۋى ءۇشىن ونى پاي­دا­لانۋ جونىندەگى جۇمىستار جان­دانا تۇسۋگە ءتيىس. وسىعان وراي وتى­رىس با­رى­سىندا الماتى قالاسىنىڭ, قوس­تا­ناي جانە قىزىلوردا وبلىس­تارى اكىم­دەرىنىڭ, سونداي-اق توتەن­شە جاع­دايلار مينيسترلىگى مەن ەكونومي­كا­لىق قىلمىسقا جانە سىبايلاس جەم­قور­لىققا قارسى كۇرەس اگەنتتىگىنىڭ مەم­لەكەتتىك رامىزدەردى پايدالانۋ جانە قولدانۋ بويىنشا جۇمىس ءتاجى­ري­بەلەرى جونىندەگى ەسەپ­تەرى تىڭ­دالدى. ق.ساۋداباەۆ رامىزدەردى پايدا­لانۋ جانە قولدانۋ سالاسىندا يەك ارتقان ءارى بەلگىلەنگەن جۇمىستاردىڭ ارقاسىندا قول جەتكەن ناتيجەلەرگە قاراماستان, كەمشىلىكتەر مەن مەم­لەكەتتىك رامىزدەردى تيىسىنشە قالىپ­تاسقان ەرەجەلەرگە ساي پايدالانباۋ دەرەكتەرى كەزدەسەتىنىن ايتتى. وسى­عان وراي وتىرىستا مەملەكەتتىك ءرا­مىز­دەردى ناسيحاتتاۋ جاستارعا پات­ريوتتىق تاربيە بەرۋدە اسا ماڭىزدى ءرول اتقاراتىنى ەرەكشە اتالدى. ءماجىلىس سوڭىندا كوميسسيا وتى­رىسىنىڭ قورىتىندىسى بويىنشا حاتتامالىق شەشىم قابىلداندى جانە مەملەكەتتىك ورگاندارعا مەم­لە­كەتتىك رامىزدەر جونىندەگى زاڭناما قاعيدا­لارىن بۇلجىتپاي ساقتاۋ, سونداي-اق ولاردى پايدالانۋدى باقىلاۋدىڭ تەتىكتەرىن جەتىلدىرۋ تۋرالى ناقتى تاپسىرمالار بەرىلدى. الەكساندر تاسبولاتوۆ.