eGov Mobile قوسىمشاسىنا جۇگىنەدى

مەملەكەت باسشىسىنىڭ جولداۋىنا سايكەس 2025 جىلعا قاراي مەملەكەتتىك قىزمەتتەردىڭ 100%-ى eGov Mobile ءموبيلدى قوسىمشاسىندا قولجەتىمدى بولادى. وسى جىلدىڭ سوڭىنا دەيىن مەملەكەتتىك قىزمەتتەردىڭ 80%-ىن «سمارتفون ارقىلى كورسەتۋگە» كوشىرۋ جوسپارلانىپ وتىر. بيىل eGov Mobile ءموبيلدى قوسىمشاسىنىڭ كومەگىمەن 11 ملن-نان استام مەملەكەتتىك قىزمەت كورسەتىلدى.

2022 جىلى «ۇات» اق eGov Mobile ءمو­بيلدى قوسىمشاسىندا QR-كود ارقىلى قۇجاتتارعا قول قويۋ مۇمكىندىگىن ىسكە اسىردى. بۇل مەحانيزم وتباسى بانكىنىڭ جالدامالى تۇرعىن ءۇيىن سۋبسيديالاۋعا ۇسىنىلعان وتىنىمدەرگە قول قويۋ ءۇشىن، سونداي-اق جوعارعى سوتتىڭ جەكە كابي­نەتىندە (sud.kz) تالاپ-ارىزدار مەن ارىزدارعا قول قويۋعا جانە اۆتوريزاتسيا­دان ءوتۋ ءۇشىن پايدالانىلادى.

سونىمەن قاتار بيىل eGov Mobile قوسىمشاسىندا بالا تۋ جانە ءبىر جاسقا دەيىنگى بالا كۇتىمى بويىنشا الەۋمەتتىك تولەمدەردى تاعايىنداۋ ءۇشىن پرواكتيۆتى قىزمەت ءتۇرىن الۋ مەحانيزمى ازىرلەندى. پرواكتيۆتى قىزمەتتىڭ ىڭعايلىلىعى – بارلىق حابارلامانىڭ نومىرگە SMS ارقىلى دا، ءموبيلدى قوسىمشاداعى PUSH ارقىلى دا كەلۋى. بۇل قىزمەت حالىق اراسىندا تانىمال، بالا تۋ جونىندەگى پرواكتيۆتى قىزمەت ىسكە قوسىلعان ساتتەن باستاپ 270 مىڭنان استام ادام ونى ءساتتى پايدالاندى.

«بالا تۋعاننان كەيىن ءبىر تاۋلىك ىشىندە اقپاراتتىق جۇيە مەديتسينالىق مەكەمەدەن حابارلاما الىپ، بالانىڭ اتا-اناسىنا eGov Mobile-عا پۋش-حابارلاما نەمەسە 1414 تەلەفون نومىرىنە SMS-حابارلاما جىبەرەدى. وندا قىزمەتتى الۋ ءۇشىن سىلتەمە كورسەتىلەدى، سول سىلتەمەگە ءوتۋ ارقىلى قىزمەت ءتۇرىن الۋعا بولادى. EGov Mobile سىلتەمەسىنە ءوتىپ، بالانىڭ تەگىن، اتىن، اكەسىنىڭ اتىن تولتىرۋ قاجەت، ءبىر جاسقا دەيىنگى بالا كۇتىمى بويىنشا الەۋمەتتىك تولەمدى الۋ ءۇشىن بانكتىك شوتتىڭ ءنومىرىن كورسەتىپ، قىزمەت ءتۇرىن الۋعا قول قويۋ كەرەك. اتا-انالار قۇجاتتاردى رەسىمدەۋگە ۋاقىت كەتىرمەي، بالاسىنا كوبىرەك ۋاقىت بولە الادى»، دەدى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.

سونداي-اق وسى جىلدىڭ جەلتوقسان ايىندا eGov Mobile-دە «تسيفرلىق مالى­مەتتەر» جاڭا ءبولىمىن ىسكە قوسۋ جوسپارلانىپ وتىر. سەرۆيس مالىمەتتەرمەن، انىقتامالارمەن الماسۋدىڭ ىڭ­عاي­لى­لىعىن ارتتىرۋ ماقساتىندا ازىر­لەنەتىن بولادى. ماسەلەن، پايدالانۋشى تسيفرلىق قۇجاتتار پاكەتىن قولدانا الادى، ال جۇمىس بەرۋشى قىزمەتكەردىڭ مالىمەتتەرى مەن مالىمەتتەرىنىڭ جيىن­تىعىن تسيفرلىق نۇسقادا سۇراتا الادى.

«جاقىن ارادا «انىقتاما بەرۋدىڭ» جاڭا ءتاسىلىن قولدانۋدى جوسپارلاپ وتىرمىز. بۇل – ومىرلىك جاعدايلار بويىنشا تسيفرلىق مالىمەتتەردى ء«بولىسۋ» فورماتىنا كوشۋ. مىسالى، جۇمىسقا ورنالاسۋ جاعدايىندا ازامات قوسىمشادا ءبىز جيناپ بەرگەن قۇجاتتار پاكەتىن پايدالانا الادى. سونىمەن قاتار ول قۇجاتتارىن تىكەلەي eGov Mobile-دا ءبولىسۋ ارقىلى جۇمىس بەرۋشىگە جىبەرە الادى»، دەپ اتاپ ءوتتى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.

EGov Mobile ءموبيلدى قوسىم­شا­سىندا 641 مەملەكەتتىك قىزمەت قول­جەتىمدى، ونىڭ ىشىندە 167-ءسى eGov.kz پور­تالىنداعى قىزمەت پەن سەرۆيس، 474-ءسى قىزمەت e-license پورتالىندا جەكە تۇل­عالارعا ارنالعان كىشى تۇرلەرى. قوسىم­شانىڭ كومەگىمەن اي سايىن  1،2 ملن-عا جۋىق مەملەكەتتىك قىزمەت كورسەتىلەدى.

EGov mobile ءموبيلدى قوسىم­شاسى­نىڭ «تسيفرلىق قۇجاتتار» سەر­ۆيسىندە 20 قۇجات بار (جەكە كۋالىك، قازاقستان ازاماتىنىڭ پاسپورتى، جۇر­گىزۋشى كۋالىگى، ۆاكتسينالاۋ پاسپورتى، پتر تەست جانە تۋ تۋرالى كۋالىك جانە ت.ب.). ىسكە قوسىلعان ساتتەن باستاپ تەك «تسيفرلىق قۇجاتتار» سەرۆيسى 12 ملن رەت پايدالانىلدى. تسيفرلىق قۇجاتتاردى تالاپ ەتۋ ورنى بويىنشا ۇسىنۋعا بولادى. سونداي-اق پرەزيدەنت سايلاۋىنداعى سايلاۋ ۋچاسكەلەرىندە داۋىس بەرۋ كەزىندە تسيفرلىق كۋالىكتى پايدالانۋعا بولادى.