پرەزيدەنت • 26 قاراشا، 2022

پرەزيدەنت مەملەكەتتىك قىزمەتشىلەردى ادال جۇمىس ىستەۋگە شاقىردى

54 رەت كورسەتىلدى

مەملەكەت باسشىسى بارلىق مەملەكەتتىك قىزمەتشىدەن ءوز جۇمىسىن ادال اتقارۋدى تالاپ ەتتى، دەپ حابارلايدى Egemen.kz.

«تاعى دا قايتالاپ ايتامىن، الدا اتقاراتىن شارۋا كوپ. بۇل – جەڭىل جۇمىس ەمەس، بىراق ەلگە پايداسى تيەتىن قىزمەت. مەن بۇكىل مەملەكەتتىك اپپاراتتان وسى مىندەتتى ابىرويمەن ورىنداۋدى تالاپ ەتەمىن. قولىنان ءىس كەلەتىن جانە ەلگە بەرىلە قىزمەت جاسايتىن ازاماتتارعا عانا ورتامىزدا ورىن بار. ولارعا قولداۋ كورسەتەمىز، ال قوعام قۇرمەت بىلدىرەدى. حالقىمىزدىڭ ناقىل ءسوزىن ءسال تۇرلەندىرىپ ايتساق: «بايلىق پەن مانساپ – قولعا ۇستاعان مۇز، ەريدى دە كەتەدى. ال، ەلگە جاساعان قىزمەت – ارتتا قالعان ءىز، ول ۇرپاقتان ۇرپاققا جەتەدى». وسىنى ءار ازامات ءتۇسىنۋى كەرەك.

ەل مۇددەسى – بارىنەن بيىك. مەن بارلىق مەملەكەتتىك قىزمەتشىدەن ءوز جۇمىسىن ادال اتقارۋدى تالاپ ەتەمىن»، دەدى پرەزيدەنت.

وسى رەتتە ول كاسىبيلىك، ادالدىق جانە قاراپايىمدىلىق ءار ازاماتتىڭ باستى قاعيداتتارىنا اينالۋى ءتيىس ەكەنىن ايتىپ ءوتتى.

«قوعامدا جاڭا قۇندىلىقتار ورنىقتىرىپ، جاقسى قاسيەتتەرگە يە بولا الماساق، رەفورمانىڭ ءبارى بەكەر. كوك بايراعىمىز، تولقۇجاتىمىز جانە مەملەكەتتىك ءتىلىمىز ءبىزدىڭ ءبىرتۇتاس حالىق ەكەنىمىزدى بىلدىرەدى. بابالارىمىز ءبىرتۇتاس ەل بولىپ، ەۋرازيا تورىندە داڭقتى شەجىرەسىن ات تۇياعىمەن جازعان، التىن وردا مەن قازاق حاندىعى سياقتى مەملەكەتتەر قۇرعان. سونداي-اق حالقىمىز ەل باسىنا كۇن تۋعان كۇردەلى ساتتەردە ازاتتىعى ءۇشىن ارپالىستى. ايگىلى حاندارىمىزدىڭ، باتىرلارىمىزدىڭ جانە ۇلت قايراتكەرلەرىنىڭ ەرلىگى – وسىنىڭ ايقىن كورىنىسى»، دەدى مەملەكەت باسشىسى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار