«كونستيتۋتسياعا سايكەس بيلىك تارماقتارى تۇگەل جاڭعىرتىلادى. وسىنداي جاڭا ساياسي ماۋسىمدى پرەزيدەنت سايلاۋى باستاپ بەردى. سايلاۋ ناۋقانى 3 ايعا جۋىق ۋاقىتقا سوزىلدى. وسى كەزەڭدە ەلىمىزدىڭ بولاشاعى تۋرالى ءتۇرلى مازمۇندى پىكىرتالاستار بولدى. جۇرتىمىز ءوز بولاشاعىنا بەي-جاي قارامايتىنىن كورسەتتى. ازاماتتىق قوعامنىڭ كەمەل ينستيتۋتقا اينالعانى ايقىن اڭعارىلدى. ساياسي الاڭعا جاڭا تۇلعالار شىقتى. وسىلايشا, حالقىمىز 20 قاراشادا ءوز تاڭداۋىن جاسادى», دەدى مەملەكەت باسشىسى.
وسى ورايدا ول سايلاۋ ءادىل ءارى اشىق وتكەنىن اتاپ ءوتتى. بۇل – بايقاۋشىلاردىڭ, ساراپشىلار مەن جۋرناليستەردىڭ بەرگەن باعاسى.
«ەل-جۇرتتىڭ بەلسەندىلىگى ەرەكشە جوعارى بولدى. كەيبىر ازاماتتار بۇكىل وتباسىمەن كەلىپ, داۋىس بەردى. بۇل ناۋقان ەل مۇددەسى ءۇشىن ۇلت بولىپ بىرىگە الاتىنىمىزدى كورسەتتى. بابالارىمىز قاي زاماندا دا بىرلىگىن بارىنەن بيىك قويعان. ءبىز اتا جولىن ساقتاي بىلگەن, زاماناۋي جانە وركەنيەتتى ەل ەكەنىمىزدى بۇكىل دۇنيە جۇزىنە پاش ەتتىك. بىرلىگىمىزدىڭ بەكەمدىگىن تاعى دا دالەلدەي الدىق. وسى سايلاۋدا جۇرتىمىز ماعان زور سەنىم ءبىلدىردى», دەدى ق.توقاەۆ.
