ۇبت تاپسىرعان كەزىڭىز ەسىڭىزدە مە؟

جانىبەك نۇرىش, "وتىرار" تەلەارناسىنىڭ ءجۋرناليسى: - ءيا, ەسىمدە. كۇن وتە ىستىق بولاتىن. گەوگرافيا, بيولوگيا جانە قازاق ادەبيەتى پاندەرىنىڭ ءبىرىن قوسىمشا ءپان رەتىندە تاڭدايتىن بولىپ قاتىستىم. گەوگرافيا مەن بيولوگيانىڭ تەك 15 سۇراعىنىڭ جاۋابىنا سەنىمدى بولعاندىقتان, تاۋەكەل ەتپەي, وزىمە وڭتايلى قازاق ادەبيەتىن تاڭدادىم. وزىممەن بىرگە "شپاركالكا" الىپ كىردىم. "شپارگالكا" بولعاندا, اينالدىرا سكوتچ جاپسىرىلعان الاقانداي عانا قاعاز. قاعازدا: قاتاڭ, ۇياڭ جانە ءۇندى داۋىسسىزدار, گەومەتريادان بىرنەشە فورمۋلا جازىلعان. ش ۇلىق مەن بالتىردىڭ اراسىنا قىستىرىپ تەست تاپسىرعان ەدىم. بىراق قولدانا المادىم. "شپارگالكانىڭ" جاۋاپتارىنا سايكەس سۇراق كەلمەدى. جالپى ۇپاي 91, ورىس ءتىلىن شەگەرگەندە 81 بالل بولدى.

ەلۆيرا ەرعالينا, جۋرناليست, بلوگەر: - ەسىمدە. "شپارگالكانى" تولتىرىپ الىپ بارعانىم ەسىمدە. قورىققاننان بىرەۋىنەن باسقاسىن شىعارا المادىم. 103 بالل جينادىم. مەكتەپتەگى ەڭ جوعارى بالل مەنىكى بولدى.

ازامات تلەپوۆ, "قازاق راديوسىنىڭ" ءجۋرناليسى: - ءيا, ەسىمدە, ۇبت-نى  2009 جىلى تاپسىردىم. تەستكە ءبىر كۇن قالعاندا تۇنىمەن ۇيىقتاماي "شپارگالكا" جازدىم. بىراق وكىنىشكە قاراي ونى پايدالانا المادىم. اۋديتورياعا كىرەبەرىستە كوميسسيا  الىپ قويدى. سوسىن ءوز بىلىمىمە سەنۋگە تۋرا كەلدى. ايتارلىقتاي ءبىر قوبالجىعان جوقپىن. ءبىرىنشى اۋىزشا ساباقتاردى بەلگىلەپ, ماتەماتيكانى سوڭىنا قالدىردىم. جانە بەرىلگەن ۋاقىتتان 1 ساعات بۇرىن شىقتىم. ناتيجەسىندە ورىس ءتىلىن الىپ تاستاعاندا 74 بالل جينادىم.

ەرمۇحامەد ماۋلەن, سپورت كوممەنتاتورى: - ۇبت تاپسىرعانىم ەسىمدە. "شپارگالكا" قولداندىم. ماتەماتيكا ساباعىنىڭ تەستتەرىنىڭ كىتاپشاسىن الىپ كىردىم. سونىڭ ارقاسىندا 3 سۇراققا جاۋاپ تاپتىم. قالعان ساباقتاردان "شپارگالكام" بولعان جوق. تەك سول ماتەماتيكادان قينالدىم. ءساتى ءتۇسىپ, 96 بالل جينادىم.

ازامات بيتان, جۋرناليست, بلوگەر: - ەسىمدە سول ءبىر كەز... تەستكە كوپ دايىندالدىم. سوندىقتان ماعان اسا قيىن بولعان جوق. پسيحولوگيالىق كۇيزەلىستەن دە امان بولدىق. "شپارگالكا" قولدانعان جوقپىن. بىراق سىرتقا سۇرانىپ شىققانىم راس. سول ءساتتى پايدالانىپ ەڭ قيىن دەگەن, جاۋاپتارى كۇمان كەلتىرگەن 7-8 سۇراقتارىما ۇزتازدارىمنان جاۋاپ الىپ ۇلگەردىم. ەڭ اۋىرى ماتەماتيكا ءپانى بولدى. ءسويتىپ, ورىس ءتىلىن قوسپاعاندا 71 بالل جينادىم. ماڭدايىما جازىلعانى, بۇيىرعانى وسى بولدى. وسى ناتيجەگە قاناعاتتاندىم, قۋاندىم. وسىلايشا العا قويعان ماقساتتار ورىندالىپ, ۇلكەن مۇمكىندىكتەر اشىلا بەردى... الماس نۇرعاليەۆ, اتىراۋ مۇناي جəنە گاز ينستيتۋتىنىڭ وقىتۋشىسى, بلوگەر: - ءبىز تاپسىرعان كەزدە جاڭا باستالىپ جاتىر ەدى. ول كەزدە كەشەندى تەست دەپ اتالاتىن, ياعني مەملەكەتتىك ەمتيحاندى مەكتەپتەن تاپسىرىپ كەلدىك. ەڭ العاش گرانت يەگەرلەرى بىزدەر بولدىق. "شپارگالكا" دەيسىز, ءبىز ەمتيحاندى قالاي تاپسىرۋ كەرەك ەكەنىن دە بىلمەدىك. مەكتەپتىڭ بەرگەن بىلىمىمەن بارىپ, 120 سۇراقتان 67 بالل جينادىم. ءبىزدىڭ ماماندىققا بولىنگەن, ماتەماتيكا جəنە فيزيكا, 180 ورىننىڭ بىرەۋىن 27-ءشى بولىپ يەلەندىم. ول 1999 جىل بولاتىن. قازىر ەمتيحان تاپسىرۋ ۇلگىسى قالعانىمەن ءبəرى باسقاشا. دايىندالۋعا ماتەريالدار جەتكىلىكتى, بلانكىلەردى دۇرىس تولتىرۋدى مەكتەپتە ۇيرەتەدى. سول كەزدە تۇلەكتەردىڭ كوبى قاي مامان يەسى بولاتىنىن بىلمەي, اتا اناسىنىڭ دا بالانىڭ قابىلەتىن ەسكەرمەي ماماندىق تاڭداپ جاتتى. ماسەلەن,  تەستتەن ءوتىپ, قۇجاتىن گرانتقا تاپسىرىپ, گرانت الىپ تۇرعاندا باسقا ماماندىققا اقىلى نەگىزدە ءتۇسىپ جاتقاندار كوپ بولدى.  مەنىڭشە,  جوو ءتۇسۋ ءۇشىن مىندەتتى تۇردە كوللەدجدى ءبىتىرۋ كەرەك. جوو-دا اقىل توقتاتقان ەرەسەك ادامدار وقۋى كەرەك. بۇگىنگى جاعدايىمىز كۇندەردىڭ كۇنىندە قاراپايىم جۇمىسشىنىڭ تاپشىلىعىنا əكەلىپ سوقتىرۋى مۇمكىن.

ەرنار بەكەنوۆ, بلوگەر: - ارينە ەسىمدە. "شپارگالكا" قولداندىم, ويتكەنى وقىتۋشى "بىلدىرتپەي قولدانۋعا" رۇقسات ەتتى. قاتەلەسپەسەم 74 بالل الدىم. دانيار الان.