بۇل جايىندا وقۋ-اعارتۋ ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا جازدى.
ونىڭ ايتۋىنشا, 2029 جىلعا دەيىن ستيپەنديا كولەمىن كەزەڭ-كەزەڭىمەن ەكى ەسەگە كوبەيتۋ جوسپارلانىپ وتىر.
«قازىر ءتيىستى ەسەپ-قيساپ جۇمىستارى جۇرگىزىلىپ جاتىر», دەدى ۆەدومستۆو باسشىسى.
ايتا كەتەيىك, قىركۇيەك ايىنان باستاپ ستۋدەنتتەردىڭ ستيپەندياسى 20 پايىزعا ءوستى. مىسالى, پەداگوگيكا ماماندارىن دايارلاۋ باعىتى بويىنشا وقيتىن ستۋدەنتتەر 58 مىڭ تەڭگە, باسقا باعىتتار بويىنشا ءبىلىم الاتىندار 37 مىڭ تەڭگەگە جۋىق شاكىرتاقى الا باستاعان.
