جەرگىلىكتى «قايرات» تۇساۋكەسەر كەزدەسۋىن مالتانىڭ «لۋكسول سەنت-ەندريۋس» كلۋبىمەن وتكىزدى. بۇل كوماندانىڭ حالىقارالىق ارەنادا قول جەتكىزگەن پالەندەي تابىسى جوق. سوعان قاراماستان قوناقتاردىڭ ويىنى وتە جاقسى اسەر قالدىردى. «قايراتتىڭ» ويىنشىلارى قانشا تالپىنعانىمەن, قارسىلاستار قاقپاسىن بىردە-ءبىر رەت ءدال كوزدەي المادى. اسىرەسە شىڭعىس ەسەنامانوۆ, البەرت اقبالىقوۆ, داۋرەن تۇرساعۇلوۆ, كارۆالو جانە دوس سانتوستىڭ شابۋىلدارى وتە قاۋىپتى بولدى. بىراق ستەفان ۆەلانىڭ سەنىمدى جانە ساۋاتتى قيمىلىنىڭ ارقاسىندا «لۋكسول سەنت-ەندريۋستىڭ» قاقپاسى گولدان امان قالدى. ارالدىقتار قاتارىندا كوماندا كاپيتانى مارك زامميت وتە بەلسەندى وينادى. ناتيجەسىندە, بۇل ماتچ 0:0 ەسەبىمەن تەڭ اياقتالدى.
كەشە «قايرات» چەحيانىڭ «حرۋديما» كلۋبىمەن كۇش سىناسسا, ەرتەڭ ليسسابوننىڭ «بەنفيكاسىمەن» شەبەرلىك بايقاسادى. ەستەرىڭىزگە سالا كەتەيىك, وسى توپتان ۇزدىك شىققان كوماندا عانا فينالدىق تۋرنيرگە جولداما الادى.
