2022 جىلدىڭ 20 قاراشاسى ەلىمىزدىڭ جاڭا تاريحىنا ماڭىزدى, تاريحي كۇن رەتىندە ەنەتىنى ءسوزسىز. حالىق ءوز بولاشاعى ءۇشىن داۋىس بەردى. قازاقستاندىق سايلاۋشىلار بەلسەندى ءارى تالاپشىل بولا باستادى. ولار وزدەرىنىڭ سايلاۋ قۇقىقتارىن ءىس جۇزىندە بەلسەندى تۇردە جۇزەگە اسىرۋعا دايىن.
سايلاۋدىڭ ەرەكشەلىگى – ازاماتتاردىڭ ءوز پروبلەمالارى تۋرالى مالىمدەپ قانا قويماي, مەملەكەتپەن تولىققاندى ناتيجەلى ديالوگكە تۇسۋگە دەگەن سەنىمى مەن دايىندىعى. جاڭادان سايلانعان مەملەكەت باسشىسى ساياسي رەفورمالاردى جالعاستىرۋ كەرەكتىگىن, ايتپەسە توقىراۋ بولاتىنىن ايتتى. جىل سوڭىندا پرەزيدەنت پارلامەنتتىك سايلاۋ مەرزىمدەرى تۋرالى ارنايى مالىمدەمە جاسايدى. وسىلايشا, ەلدەگى دەموكراتيالىق رەفورمالاردىڭ كەزەكتى جالعاسى الداعى پارلامەنتتىك سايلاۋعا تىكەلەي باي- لانىستى.
كونستيتۋتسيالىق رەفورماعا سايكەس, قازاقستان ازاماتتارى پرەزيدەنت پەن پارلامەنتتەن باسقا ءتۇرلى دەڭگەيدەگى اكىمدەردى, ءماسليحاتتاردى سايلاۋعا ءتيىس. الەۋمەتتىك ساۋالدامالارعا دەگەن سۇرانىس كانديداتتار تاراپىنان دا, قوعام تاراپىنان دا ودان ءارى ارتا تۇسپەك. سايلاۋشىلاردىڭ كوڭىل كۇيىن زەرتتەۋ, سايلاۋشىلاردىڭ مىنەز-قۇلقىن بولجاۋداعى دالدىك, سايلاۋ كۇنىندەگى ساۋالدامالاردى دامىتا تۇسكەن دۇرىس. بۇگىندە الەۋمەتتانۋشىلاردىڭ الدىندا بىرنەشە وزەكتى مىندەت تۇر. سايلاۋشىلاردىڭ تاڭداۋى مەن مىنەز-قۇلقىنىڭ جاڭا تۇسىندىرمە مودەلدەرىن, زەرتتەۋ ادىستەرىنىڭ ءوزىن, سونىڭ ىشىندە رەسپوندەنتتەردىڭ شىنايىلىعىن انىقتاۋ ادىستەرىن ازىرلەۋ, سونداي-اق الەۋمەتتانۋلىق زەرتتەۋلەرگە سەنىمدى ارتتىرۋ قاجەت.
زارەما شاۋكەنوۆا,
ۇلتتىق عىلىم اكادەمياسىنىڭ ۆيتسە-پرەزيدەنتى, ۇعا اكادەميگى
