قۇتتىقتاۋدا قاسىم-جومارت توقاەۆتىڭ سايلاۋداعى سەنىمدى جەڭىسى – قازاقستان حالقىنىڭ, ونىڭ ىشىندە «قازاقمىس» توبىنا قاراستى كاسىپورىندار قىزمەتكەرلەرىنىڭ جوعارى سەنىمى مەن قولداۋىنىڭ ايعاعى ەكەنى ايتىلعان.
«پرەزيدەنت بولعان ءۇش جىل ىشىندە ءسىز ءوزىڭىزدى كورەگەن ساياساتكەر, تاجىريبەلى ديپلومات جانە ناعىز بىتىمگەر رەتىندە كورسەتتىڭىز. ءسىزدىڭ باسقارۋشىلىق قاسيەتتەرىڭىزدى قازاقستاندىقتار عانا ەمەس, الەمدىك قوعامداستىق تا جوعارى باعالايدى. ءسىز ءوزىڭىزدى حالقىمىز ءۇشىن تاعدىرلى شەشىمدەر قابىلداي الاتىن جوعارى كاسىبي باسشى رەتىندە تانىتتىڭىز. سوندىقتان دا ءسىز ازاماتتارىمىزدىڭ قولداۋى مەن قۇرمەتىنە لايىقسىز», دەلىنگەن حاتتا.
سونداي-اق «قازاقمىس» قىزمەتكەرلەرى قازاقستاننىڭ جاڭا تاريحي كەزەڭگە ەنىپ جاتقانىن اتاپ ءوتىپ, الداعى رەفورمالار حالىقتىڭ تىلەگىنە ءتيىمدى جاۋاپ بولاتىنىنا جانە بۇرىن-سوڭدى بولماعان سىرتقى سىن-قاتەرلەر جاعدايىندا ەلىمىزدىڭ تۇراقتىلىعىن قامتاماسىز ەتەتىنىنە سەنىم ءبىلدىردى.
ء«بىز قازاقستاننىڭ تۇراقتىلىعى مەن قاۋىپسىزدىگىن نىعايتۋعا ىقپال ەتەتىن اۋقىمدى وزگەرىستەر سىزبەن بىرگە جالعاسادى دەپ سەنەمىز», دەلىنگەن قۇتتىقتاۋدا.
سونداي-اق حاتتا «قازاقمىس» كومپانيالار توبىنىڭ ءاربىر قىزمەتكەرىنىڭ اتىنان مەملەكەت باسشىسىنا بۇرىنعىسىنشا قازاقستان ەكونوميكاسىنىڭ بەرىك نەگىزى بولىپ قالا بەرەتىن ەلدىڭ تاۋ-كەن مەتاللۋرگيا سالاسىنا ەرەكشە نازار اۋدارعانى ءۇشىن العىس ايتىلعان.
ء«بىز, گەولوگتەر, كەنشىلەر, بايىتۋشىلار, مەتاللۋرگتەر مەن ەنەرگەتيكتەر, سىزگە زور دەنساۋلىق پەن العا قويىلعان مىندەتتەرگە قول جەتكىزۋ ءۇشىن كۇش-قۋات تىلەيمىز! ءبىز ءوز كەزەگىمىزدە جاڭا قازاقستاندىق قوعامدى نىعايتۋعا جان-جاقتى قولداۋ كورسەتۋگە ۋادە بەرەمىز.
ءبىز بىرگە ادىلەتتى قازاقستان قۇراتىنىمىزعا سەنىمدىمىز!», دەيدى ءوندىرىس مايتالماندارى.
