جاستاردىڭ جاۋاپكەرشىلىگى جوعارى

ديالوگ الاڭىنىڭ وتىرىسىندا جاستار ۇيىمدارىنىڭ كوشباسشىلارى، قوعام قايرات­كەرلەرى جانە حالىقتىق كوالي­تسياعا كىرگەن سپورتشىلار قاۋىم­داس­تىعىنىڭ وكىلدەرى پرەزيدەنت سايلاۋىنىڭ قورىتىندىسى جو­نىندە ءوز پىكىرلەرىن ءبىلدىردى. سو­نىمەن قاتار سايلاۋالدى شتابتا باق وكىلدەرىنە ارنالعان ءباسپاسوز تۋرى ۇيىمداستىرىلدى. ولار ۇگىت-ناسيحات جانە تالداۋ ورتالىقتارى، كاندي­داتتىڭ قوعامدىق قابىلداۋ بولمەسى، مەديا-شتاب، سەنىمدى وكىلدەردىڭ جۇمىسىن ۇيلەستىرۋ ورتالىعى، بايقاۋشىلار شتابى مەن جاستار سەكتورىنىڭ قىز­مەتىمەن جاقىنىراق تانىستى.

جاستار، اسىرەسە حالىقتىق كوا­ليتسيا اتىنان سايلاۋعا تۇسكەن قاسىم-جومارت توقاەۆتىڭ ۇگىت-ناسيحات ناۋ­قانى كەزىندە ەلىمىزدىڭ 42 قالاسى مەن 500 اۋىل ايماقتى ارالاۋعا بەلسەندى قاتىسقان. ساياسي ناۋقاندى وتكىزۋگە 30 مىڭ ادام ارنايى دايارلىقتان وتكەن. «Amanat» پارتياسىنىڭ «جاستار رۋحى» جاستار قاناتىنىڭ توراعاسى نۇر­جان جەتپىسباەۆتىڭ ايتۋىنشا، پارتيا جانىنان اشىلعان رەسپۋبليكالىق قوعامدىق شتاب­تىڭ قىزمەتى قاجەتتى قۇرال-جاب­دىق­تارمەن قامتىلىپ، 3 ساياسي پارتيانىڭ، 22 قوعامدىق ۇيىمنىڭ وكىلدەرى كەدەرگىسىز جۇمىس ىستەگەن.

ء«بىز قالا، اۋىلداردى ارالاپ، مەم­لەكەت باسشىسىنىڭ ساياسي رەفورمالارىن، ەلدى دامىتۋداعى باعىتتارىن، العا قويعان ماقسات­تارىن تۇسىندىرگەن كەزدە جاستاردىڭ پرەزيدەنتىمىزگە سەنىم ارتىپ، قول­دايتىندارىن كوردىك. بۇل قول­داۋ مەن سەنىم ءاربىر ايماقتا سەزىلدى. شتابتىڭ جۇمىسىنا كەلەر بولسام، كۇنىنە جۇزدەگەن ءىس-شارا ۇيىمداستىرىلىپ، ۇگىت-ناسي­حاتتىق اقپارات كەڭىستىگى ۇزدىك­سىز تولىعىپ وتىردى. وسى ارالىقتا 24 مىڭنان استام ءىس-شارا ۇيىمداستىرىلعان ەكەن. رەسپۋبليكالىق شتابتىڭ ۇگىت-ناسيحات توبى شالعاي اۋىلداردى نازاردان تىس قالدىرعان جوق. بۇل بيىلعى سايلاۋدىڭ ەرەكشەلىگى دەپ ايتۋىمىزعا بولادى. ەگەر بۇعان دەيىنگى ناۋقانداردا ۇگىت-ناسيحات وبلىس ورتالىقتارىندا عانا وتسە، ءبىز وسى رەتتە اۋىلداردى ارا­لا­دىق. ويتكەنى اۋىل – ەل بەسىگى، ون­داعى حالىق قالىس قالماۋ قاجەت. وسى­لاي­شا، ءبىز كانديداتىمىزدىڭ سايلاۋالدى باعدارلاماسىن 3 ميلليون ادامعا تۇسىن­دىرگەن ەكەنبىز. ال ناۋقان باستالار­دا پرەزيدەنت قاسىم-جومارت توقاەۆ ءوزىنىڭ باع­دار­لاماسىن بىزگە تانىستىردى»، دەدى «جاستار رۋحى» جاستار قاناتىنىڭ توراعاسى.

اقپاراتتىق جۇمىسقا تارتىل­عان جاستارمەن قوسا، ۆولونتەرلەر ۇگىت-ناسيحات قۇرالدارىن تاراتۋعا ۇلەستەرىن قوسقان. «7،5 مىڭنان استام بەلسەندى 3 ملن-نان استام ۇگىت-ناسيحات ماتەريالىن تاراتتى. ولار تەك ۇنپاراق تاراتىپ قانا قويماي، «ەسىكتەن ەسىككە» اكتسياسىنا، سايلاۋشىلارمەن وتكەن ەكسپرومت-كەزدەسۋلەرگە، ازاماتتاردىڭ ۇسىنىستارى مەن تىلەكتەرىن قابىلداۋ ىسىنە اتسالىستى»، دەدى نۇرجان جەتپىسباەۆ.

ال «ۇلتتىق ۆولونتەرلەر جەلىسى» زتب توراعاسى، دەپۋتات ۆەرا كيم پرەزيدەنتتىڭ ەرىك­تىلەر­دى ەرەكشە قولدايتىنىن اتاپ ءوتتى.

«پرەزيدەنتىمىزدىڭ ءومىر­بايانىن قارا­ساق، حالىقارالىق ۇيىم­دارداعى قىزمەتىمەن قاتار قاسىم-جومارت توقاەۆ ۆولون­تەرلىك قىزمەتتى العا شىعارۋعا، ونى دامىتۋعا زور ۇلەس قوسقا­نىن كورەمىز. مەملەكەت باسشىسى تاراپىنان ەرىكتىلەر قاشان­دا قولداۋعا يە بولىپ كەلەدى. سوندىق­تان ۆولونتەرلىك ۇيىم­دار، جاس­تار قوزعالىستارى ءوز كە­زەگىندە پرەزيدەن­تىمىزدىڭ ساياساتىن قولدايدى. 2019 جىلى قازاقستان-رەسەي فورۋمىندا مەن بارلىق ۆولونتەرلىك قوزعالىس اتىنان 2020 جىلدى ەرىكتىلەر جىلى دەپ جاريا­لاۋ تۋرالى ۇسىنىس ايتقان ەدىم.

ويتكەنى الەمدىك پاندەميا كەزىندە ەرىكتىلەر كۇنى-ءتۇنى ءوز دەنساۋ­لىقتارىنا تونەتىن قاۋىپ­كە قاراماستان حالىققا كوپ كو­مەك­تەستى. ءدارى-دارمەك، ازىق-ت ۇلىك تاسىدى، وزگە دە قوعامدىق جۇ­مىستارعا بەلسەنە ارالاستى. وسى كەزدە ەل ۆولونتەرلەردى تاني باس­تادى، بۇل قىزمەتتىڭ ءمانىسىن ءتۇسىندى. ارينە، ولار سول كەزدە ايانباي ەڭبەك ەتكەن دارىگەر، پوليتسيا قىزمەتكەرلەرىمەن بىرگە مەملەكەتتىك ناگرادالارعا يە بولدى، 2020 جىل ەرىك­تىلەر جىلى بولدى. ەڭبەكتەرى ەلەندى. بۇل ەل باسشىسىنىڭ ەرىكتى جاستارعا دەگەن قۇرمەتى دەپ بىلەمىز.

كانديداتتىڭ سايلاۋالدى باعدارلاما­سىنىڭ نەگىزگى ماق­ساتى – حا­لىقتىڭ ءومىر ساپاسىن جاقسارتۋ. ادىلەتتىلىك قاعيداتىنا سايكەس، مارتەبەسىنە، جىنىسىنا نەمەسە جاسىنا قاراماستان، قازاق­ستاندىقتار تەڭ مۇمكىندىكتەر مەن قۇقىقتارعا يە بولۋعا ءتيىس. سايلاۋ قورىتىندىسى حالىق پرە­زيدەنتتى قولدايتىنىن كورسەتتى. ەلى­مىزدىڭ، سونىمەن قاتار حالىق­ارالىق بايقاۋشىلاردىڭ وڭ پىكىرى سايلاۋدىڭ اشىق ءارى ادال وتكەنىن ايقىندايدى»، دەدى ۆەرا كيم.

ۇگىت-ناسيحات جۇمىستارىنا سپورتشىلار دا زور ۇلەس قوسقان. قوعام قايراتكەرى، 2012 جىلعى لوندون وليمپياداسىنىڭ چەم­پيونى، قر ۇلتتىق وليم­پيادا­لىق كوميتەتى باس حاتشىسىنىڭ ورىنباسارى سەرىك ساپيەۆ «قا­زاق­ستاندىق سپورتشىلار ودا­عى» رەسپۋبليكالىق قوعام­دىق بىر­لەستىگى ەشقانداي پارتيا قۇرا­مىنا ەنبەگەنىن، بىراق حالىقتىق كواليتسيانى جاقتايتىنىن اتاپ ءوتتى. ونىڭ ايتۋىنشا، مەملەكەت باسشىسى بۇقارالىق جانە كاسىبي سپورتتى دامىتۋعا جۇيەلى تۇردە قولداۋ كورسەتىپ كەلەدى.

ء«بىز قۋاتتى ءارى ادىلەتتى قازاقستان ءۇشىن داۋىس بەردىك. سايلاۋ ۋچاسكەسىنە كەلگەن ءاربىر ادام ءوزىنىڭ ازاماتتىق پارىزىن وتەپ قانا قويماي، ەل بولاشاعى ءۇشىن تاڭداۋ جاسادى دەپ ويلايمىن. ءبىز ەل يگىلىگىنە قىزمەت ەتۋگە بارىمىزدى سالامىز جانە بارشا قاتىسۋشىلاردى وسىعان شاقىرامىن»، دەدى سەرىك ساپيەۆ.

پرەزيدەنتتىك جاستار كادرلىق رەزەر­ۆىنىڭ مۇشەسى ءابۋتالىپ ءمۇتالى الداعى 7 جىلدا جاستار مەملەكەت قۇرۋ ىسىنە ەلەۋلى ۇلەس قوسادى دەپ وتىر. «Amanat» پار­تياسى قوعامدىق ساياسات ينستيتۋتى ديرەكتورىنىڭ ورىنباسارى دينارا سادۋاقاسوۆا سايلاۋ­شىلاردىڭ ۇسىنىسى مەن تىلەگىنە نازار اۋداردى. «ۇگىت-ناسي­حات ناۋقانى بارىسىندا 40 مىڭنان استام وسىنداي ۇسىنىس-تىلەك كەلىپ ءتۇستى. بۇل ازاماتتاردىڭ ساياسي پروتسەستەرگە دەگەن قىزىعۋشىلىعى ارتقانىن اڭعارتادى»، دەدى ول.

سايلاۋالدى ناۋقان كەزىندە اقپارات­تىق سۇيەمەلدەۋگە باستى نازار اۋدا­رىلعان. اسىرەسە ينتەرنەت رەسۋرستار ارقىلى تاراتىلعان اقپاراتتاردىڭ قارالىمى وتە جوعارى بولعانىن اتاپ ءوتتى شتاب مۇشەلەرى. ماسەلەن، Toqaev2022 اتاۋى­مەن ىسكە قوسىلعان ينتەرنەت ارنالارى كۇنىنە مىڭنان استام قارالىم جيناعان. ءداستۇرلى بۇقارالىق اقپارات قۇرالدارىندا دا كانديداتتاردىڭ سايلاۋالدى باعدارلامالارى ءتيىستى دەڭگەيدە جاريالانىپ، كورسەتىلگەن.

حالىقتىق كواليتسيانىڭ ۇگىت-ناسيحات شتابىنىڭ مۇشەلەرى ۋنيۆەرسيتەتتەر مەن كوللەدجدەردىڭ ستۋ­دەنتتەرى، ەلوردالىق جاستار ءماس­ليحا­تىنىڭ دەپۋتاتتارى، جاستار قا­ناتىنىڭ بەلسەندىلەرى الدىندا ۇگىت-ناسيحات جۇمىستارى بويىنشا وسىن­داي قورىتىندى جاسادى.