كوللاجدى جاساعان قونىسباي شەجىمباي, «EQ»
بۇعان دەيىن ۇسىنىلعان باعدارلاما جوباسىنىڭ باستى ەرەكشەلىگى – ەكىنشى دەڭگەيلى بانكتەر مولشەرلەمەسىنىڭ ءبىر بولىگىن (7 پايىزىن) مەملەكەت حالىق ءۇشىن ءوزى تولەپ بەرەدى. Krisha.kz حابارلاۋىنشا, قازىر شامامەن مىناداي شارت نەگىزىندە باعدارلامانى ىسكە قوسۋ بولجانۋدا: العاشقى تولەم – ءۇي قۇنىنىڭ 20 پايىزى; نەسيە مەرزىمى – 20 جىل; ماكسيمالدى زايم سوماسى – 15-35 ملن تەڭگە; مەملەكەتتەن بەرىلەتىن تولەم تەك العاشقى 10 جىلعا عانا جارامدى.
ەكىنشى دەڭگەيلى بانك مولشەرلەمەسى بىلاي ەسەپتەلەدى. قازىر ۇلتتىق بانك بەلگىلەگەن بازالىق مولشەرلەمە 16 پايىز ەكەنى بەلگىلى. وعان بانك تاراپىنان تاعى 5 پايىز قوسىلادى. سول 21 پايىزدان مەملەكەت سۋبسيديالايتىن 7 پايىزدى شەگەرىپ تاستايدى. سوندا حالىق ءۇشىن قالاتىنى – 14 پايىز. باعدارلاما شارتى بويىنشا تەك قانا سالىنىپ جاتقان جانە قتك كەپىلدىگى بار تۇرعىن ۇيدەن نەمەسە سالىنعانىنا 6 ايدان اسپاعان كەز كەلگەن كەشەننەن الۋعا بولادى. سوندا بانك ستاۆكاسىنا قاتىستى ەرەجەگە سايكەس, ەگەر قارىز الۋشى نەسيەنى 19 جىلعا راسىمدەسە, وندا قالعان 9 جىلدى بانكتىڭ تولىق ستاۆكاسىمەن تولەيدى. جوعارىدا ايتىپ وتكەنىمىزدەي, مەملەكەت سۋبسيدياسى تەك 10 جىل جۇمىس ىستەيدى.
ء«بىز ەلىمىزدە ورتا كلاسس ءۇشىن يپوتەكا قاجەت دەپ سانايمىز. ۇسىنىلىپ وتىرعان باعدارلاما شىنىمەن تۇرعىن ءۇي جاعدايىن جاقسارتقىسى كەلەتىن ادامدار ءۇشىن قولايلى دەپ ويلادىق. الايدا, وكىنىشكە قاراي, ەشكىمگە قاجەتسىز باعدارلاما بولىپ قالۋى دا ىقتيمال. نەگە؟ سەبەبى 14 پايىز – شىداس بەرەتىندەي ستاۆكا ەمەس. ورتا تاپقا ارنالعان باعدارلاما مولشەرلەمەسى 10 پايىزدان اسپاۋى كەرەك. ءبىز سونى تالاپ ەتەمىز», دەيدى قازاقستان قۇرىلىس سالۋشىلار قاۋىمداستىعىنىڭ پرەزيدەنتى ۆيكتور ميكريۋكوۆ.
جالپى, يپوتەكا – ەلىمىزدەگى ەڭ تانىمال قارجى ءونىمى. جىل باسىنان بەرى 131,2 مىڭ ادام باسپانانى نەسيەگە ساتىپ العان. ءبىرىنشى نەسيە بيۋروسىنىڭ اقپاراتى بويىنشا, 2022 جىلدىڭ 10 ايىندا زايم سانى 1,2 پايىزعا وسكەن (2021 جىلدىڭ 10 ايىمەن سالىستىرعاندا). بۇل رەتتە يپوتەكا سوماسى دا ورتا ەسەپپەن 18,8 پايىزعا وسكەن. بىلتىر قاڭتار-قازاندا راسىمدەلگەن يپوتەكا سوماسى 13,1 ملن تەڭگە بولسا, بيىلعى سوما – 15,5 ملن تەڭگە.
ال تولەنبەگەنىنە 90 كۇننەن اسقان زايمدار ۇلەسى – 1,6 پايىز. بىلتىر 1,9 پايىز بولعان. دەمەك بۇل سەگمەنتتە پروبلەمالىق زايم ۇلەسى ءسال دە بولسا ازايعان.
