مەديتسينا • 24 قاراشا، 2022

حيرۋرگتىڭ كاسىبي شەبەرلىگى

33 رەت كورسەتىلدى

ەلوردادا ۇلتتىق نەيروحيرۋرگيا ورتالىعىنىڭ دارىگەرلەرى ەكى ايلىق نارەستەگە مي ىسىگىن جويۋ ءۇشىن كۇردەلى وپەراتسيا­ جاسادى. قازىرگى ۋاقىتتا نا­رەس­­تەگە وپەراتسيادان كەيىنگى ەم جۇرگىزىلىپ جاتىر. ءسابي انا­­سىمەن بىرگە پالاتادا. ايتا كە­تەلىك، وپەراتسيا ءمامس اياسىن­­دا كۆوتا نەگىزىندە جاسالدى.

«الەۋمەتتىك مەديتسينالىق ساق­تاندىرۋ قورى» كەاق استانا قالاسى بويىنشا فيليالىنىڭ ءباسپاسوز قىزمەتى حابارلاعانداي، بالانىڭ اتا-اناسى اۋرۋدىڭ العاشقى بەلگىلەرىن نارەستەنىڭ قاتتى مازاسىزدىعى مەن سىلبىرلىعىنان، السىزدىگىنەن كەيىن بايقاعان. سونىمەن قاتار نارەستەنىڭ باسىنىڭ ۇلكەيىپ، ەڭبەگىنىڭ ىسىنگەنى بايقالادى. وسىدان كەيىن بالانىڭ اناسى نەۆروپاتولوگكە بارادى. ءارى قاراي دارىگەر ميدىڭ نەيروسونوگرافياسىنا جانە كت-عا جىبەرىپ، وندا گيدروتسەفاليا بەلگىلەرى، ورتاشا كلينيكالىق دەكومپەنساتسيا ساتىسىندا ميدىڭ وڭ جاق قارىنشاسىنىڭ كولەمدى ىسىگى انىقتالادى.

سابيگە العاشقى «ۆەنتريكۋلوپە­ري­تونەالدى شۋنتتاۋ» وپەراتسياسى الماتىداعى №2 قالالىق بالالار اۋرۋحاناسىندا جاسالدى. دارىگەرلەر كونسيليۋمىندا ەكىنشى وپەراتسيانى ۇلتتىق نەيروحيرۋرگيا ورتالىعىندا جاساۋ جوسپارلانعان بولاتىن.

بالالار نەيروحيرۋرگياسى بولىم­شەسىنىڭ مەڭگەرۋشىسى عابيت ولەڭباي وپەراتسيانىڭ كۇردەلىلىگى، وسى جاس­تا­عى بالا ءۇشىن ىسىكتىڭ جەتكىلىكتى دا­رەجەدە ۇلكەن (4*3 سم) جانە فۋنك­تسيو­نالدى ماڭىزدى ايماقتا بول­عان­دىعىندا ەكەنىن جەتكىزدى. سو­نى­مەن قاتار وپەراتسيا كەزىندە قان جوعال­تۋ قاۋپى جوعارى، سوڭى اۋىر اس­قىنۋلارعا، ءتىپتى ولىمگە دەيىن اپارۋى مۇمكىن بولدى. ىسىك تۋا بىتكەن جا­نە نارەستە قۇرساقتا جاتقاندا پاي­­د­ا بولعان. بۇل – سيرەك كەزدەسەتىن قۇبىلىس. 

ء«بىز ميكروحيرۋرگيالىق ارالاسۋ جۇرگىزدىك، وڭ جاق قارىنشانىڭ ارتقى ءمۇيىزىنىڭ قارىنشاىشىلىك ىسىگىن الىپ تاستادىق. بۇل جەردە بارلىق زاماناۋي ءادىس قولدانىلدى. سونداي-اق قىزمەتكەرلەردىڭ جوعارى بىلىكتىلىگى مەن ءبىزدىڭ ورتالىقتىڭ وپەراتسيا بلوگىنىڭ زاماناۋي جاب­دىق­تا­لۋى وپەراتسيانىڭ ءساتتى اياقتا­لۋىندا ماڭىزدى ءرول اتقاردى. نەيروحيرۋرگيالىق ناۆيگاتسيالىق جۇيەنىڭ باقىلاۋىمەن ىسىككە اسا دالدىكپەن شىعىپ، ونى تولىعىمەن الىپ تاستادىق»، دەدى نەيروحيرۋرگ دارىگەر عابيت ءىلياس ۇلى.

انەستەزيولوگ دارىگەرلەردىڭ دە جوعارى كاسىبي دەڭگەيىن اتاپ وتكەن ءجون. مۇنداي كىشكەنتاي جاستا وپەراتسيا ءاردايىم انەستەزيا بەرۋدىڭ ۇلكەن قيىندىقتارىمەن قاتار جۇ­رەدى. قان اينالىمى مەن تىنىس الۋدى مۇقيات باقىلاۋ، انەستەزيانى وتە مۇقيات ەسەپتەۋ – بالانىڭ ءومىرى ءۇشىن ۇلكەن جاۋاپكەرشىلىك. وسىنىڭ ءبارى نەيروحيرۋرگيا ورتالىعىنىڭ كوپسالالى كومانداسىنىڭ موينىنا ءتۇستى.

وپەراتسيانى جوعارى ساناتتى بىلىكتى نەيروحيرۋرگ-دارىگەر، بالالار نەيروحيرۋرگياسى بولىم­شەسىنىڭ مەڭگەرۋشىسى، «ۇعو» اق پروفەسسورى عابيت ولەڭباي مەن نەيروحيرۋرگ-دارىگەر ساپاربەك سەيت­بەكوۆ جاسادى. سونداي-اق وپە­را­تسيا بارىسىندا انەستەزيولوگ-رەانيماتولوگ دارىگەر ايگۇل جان­دەلدينوۆا، ترانسفۋزيولوگ دارىگەر ەربول قۋانىشەۆ جانە وپەراتسيا مەيىرگەرى ءمادينا راحماتۋللاقىزى قاتىستى.

سوڭعى جاڭالىقتار

قىرعىزدىڭ وڭىندەي...

ونەر • بۇگىن، 08:35

تاعى دا تاريف تۋرالى

ايماقتار • كەشە

قولدان شاپقان قوبىز

رۋحانيات • كەشە

كۇلاندا اپا

ەڭ قىسقا اڭگىمە • كەشە

الاش ات تاريحى

قوعام • كەشە

ءبىر ولەڭنىڭ تاريحى

ادەبيەت • كەشە

سۇلتانماحمۇت جەڭىسى

ادەبيەت • كەشە

دالا مەن دارىن

تاريح • كەشە

ۇقساس جاڭالىقتار