سپورت • 24 قاراشا، 2022

ەلوردادا اۋىر اتلەتيكادان قازاقستان چەمپيوناتى ءوتىپ جاتىر

12 رەت كورسەتىلدى

بۇگىن ەلوردا ىرگەسىندە جاڭادان سالىنعان كوكتال-2 ەلدى مەكەنىندەگى دەنە شىنىقتىرۋ ساۋىقتىرۋ سپورت كەشەنىندە ءجاسوسپىرىم ۇلدار مەن قىزدار اراسىندا اۋىر اتلەتيكادان قازاقستان رەسپۋبليكاسىنىڭ جەكە-كوماندالىق چەمپيوناتى باستالدى، دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.

چەمپيوناتتىڭ اشىلۋ راسىمىنە مادەنيەت جانە سپورت ۆيتسە-ءمينيستىرى سەرىك جاراسباەۆ، استانا قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ، مادەنيەت جانە سپورت مينيسترلىگىنىڭ دەنە شىنىقتىرۋ جانە سپورت كوميتەتىنىڭ توراعاسى ەلسيار قاناعاتوۆ، قر اۋىر اتلەتيكا فەدەراتسياسىنىڭ باس حاتشىسى الديار نۇرالينوۆ، اۋىر اتلەتيكادان ءتورت دۇركىن الەم چەمپيونى، قازاقستاندىق زىلتەمىرشى يليا يلين قاتىسىپ، جاس سپورتشىلارعا ساتتىلىك تىلەدى. سونداي-اق چەمپيوناتتىڭ اشىلۋ سالتاناتىنا سپورت ارداگەرلەرى دە قاتىستى.

ءدۇبىرلى دوداعا ەلىمىزدىڭ بارلىق وبلىسى مەن قالالارىنان جينالعان 300-دەن استام زىلتەمىرشىلەر التى كۇن بويى باق سىنايتىن بولادى.

قالالىق سپورت باسقارماسىنىڭ باسشىسى سامات جىلقىباەۆ مەكسيكادا وتكەن جاسوسپىرىمدەر اراسىنداعى الەم چەمپيوناتىندا جۇلقا جانە سەرپە كوتەرۋدەن رەكورد ورناتقان ەلوردالىق ەدىگە ەمبەردىگە حالىقارالىق اۋىر اتلەتيكا فەدەراتسياسىنىڭ ەستەلىك سىيلىعىن تابىستادى.

جارىس قورىتىندىسى بويىنشا ءار سالماق دارەجەسىندە مەدالدار مەن ديپلومدار جيىنتىعى ويناتىلىپ، جالپى كوماندالىق ەسەپ بويىنشا جەڭىمپاز كوماندالار انىقتالادى.

ايتا كەتسەك، جارىس 29 قاراشاعا دەيىن كوكتال-2 ەلدى مەكەنىندەگى №5 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىندە وتەدى.

ت

سوڭعى جاڭالىقتار

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

قاسقىر

ونەر • كەشە

ۇقساس جاڭالىقتار