قوعام • 24 قاراشا، 2022

ارىپتەستەرىن بالاعاتتاعان اكىمگە قاتىستى قىزمەتتىك تەرگەۋ باستالدى

30 رەت كورسەتىلدى

باتىس قازاقستان وبلىسى بايتەرەك اۋدانىنىڭ اكىمى مارات توعجانوۆتىڭ ۇستىنەن قىزمەتتىك تەرگەۋ جۇرگىزىلىپ جاتىر، دەپ حابارلايدى Egemen.kz.

مەملەكەتتىك قىزمەت ىستەرى اگەنتتىگى حابارلاعانداي، اۋدان اكىمى قىزمەتكەرلەرىن بالاعاتتاپ، دورەكى سويلەگەن.

«كەشە، 23 قاراشا كۇنى عالامتور كەڭىستىگىندە باتىس قازاقستان وبلىسى بايتەرەك اۋدانىنىڭ اكىمى مارات توعجانوۆتىڭ توراعالىعىمەن وتكەن ماجىلىستە جازىلعان اۋديوجازبا تارادى. اۋديوجازبانىڭ مازمۇنىنا قاراعاندا، اۋدان اكىمى قىزمەتكەرلەرىمەن دورەكى سويلەسكەن. ايتا كەتسەك، قر مەملەكەتتىك قىزمەتشىلەرىنىڭ ادەپ كودەكسىندە مورالدىق ادەپكە بايلانىستى قويىلاتىن تالاپتار  انىق كورسەتىلگەن. وسىعان بايلانىستى مەملەكەتتىك قىزمەت ىستەرى اگەنتتىگى ادەپ كودەكسىن بۇزىپ، ارىپتەستەرىن بالاعاتتاعان لاۋازىمدى تۇلعاعا قاتىستى قىزمەتتىك تەرگەپ-تەكسەرۋ شارالارىن باستاۋدى ۇيعاردى. اتقارىلعان جۇمىستاردىڭ قورىتىندىسى نەگىزىندە ءتيىستى شەشىم قابىلدانادى»، دەلىنگەن اگەنتتىك تاراتقان حابارلامادا.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار