ايماقتار • 24 قاراشا، 2022

قاراعاندىدا ءۇندىستان ازاماتىن ۇرلاپ اكەتكەندەر ۇستالدى

13 رەت كورسەتىلدى

قاراعاندىلىق پوليتسەيلەر ءۇندىستان ازاماتىن ۇرلاپ اكەتكەندەردى ۇستادى،  دەپ حابارلايدى Egemen.kz Polisia.kz سايتىنا سىلتەمە جاساپ.

قاراعاندى پوليتسياسىنا 27 جاستاعى ءۇندىستان ازاماتى ارىزبەن شاعىمدانعان. ونىڭ ايتۋىنشا، ونى بەلگىسىز بىرەۋلەر كۇشتەپ اۆتوكولىككە وتىرعىزىپ، استانا قالاسىنا الىپ كەتكەن. ەلوردادا شەتەل ازاماتىن پاتەرگە اپارىپ، قورقىتىپ، كۇش قولدانۋ ارقىلى بوساتۋ ءۇشىن 200 مىڭ اقش دوللارىن تالاپ ەتكەن.

– قاراعاندى وبلىستىق پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرىمەن جۇرگىزىلگەن ارنايى جەدەل-ىزدەستىرۋ ءىس-شارالارى بارىسىندا استانا قالاسىنداعى جالدامالى پاتەرلەردىڭ ءبىرى انىقتالىپ، ول جەردەن بوپسالاۋ، ادامدى ۇرلاپ اكەتۋ كۇدىگىمەن جاستارى 26 مەن 34 جاس ارالىقتارىنداعى ءتورت وزبەكستان ازاماتى ۇستالدى. قازىرگى ۋاقىتتا ادام ۇرلاۋ، زاڭسىز باس بوستاندىعىنان ايىرۋ جانە بوپسالاۋ باپتارىمەن سوتقا دەيىنگى تەرگەۋ امالدارى جۇرگىزىلۋدە، – دەپ حابارلادى قاراعاندى وبلىستىق پوليتسيا دەپارتامەنتى باستىعىنىڭ ورىنباسارى ءابىل ءابىلدين.

سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار