داۋىس بەرۋ اياقتالعاننان كەيىن جاريالانعان ەكزيت-پولل قازاقستان كوشباسشىسىنا 82,45 پايىز داۋىس بەرىلگەنىن حابارلادى. ونىڭ بەس قارسىلاسى 2 پايىزدان 3,33 پايىزعا دەيىن قولداۋعا يە بولدى. داۋىس بەرۋگە قاتىسۋ 69,43 پايىزدى قۇرادى.
پرەزيدەنت ساياسي دوداعا حالىقتىق كواليتسيانىڭ ۇمىتكەرى رەتىندە ءتۇستى. جاڭا كونستيتۋتسيا بويىنشا مەملەكەت باسشىسى ءبىر مەرزىمگە جەتى جىلعا سايلانادى. ورتالىق سايلاۋ كوميسسياسى 22 قاراشاعا دەيىن قورىتىندىنى بەكىتتى. بۇل – وسى ەلدىڭ سۋپەرپرەزيدەنتتىك جۇيەدەن پرەزيدەنتتىك-پارلامەنتتىك جۇيەگە كوشىرەتىن رەفورمالار تۋرالى رەفەرەندۋمنان كەيىنگى ادىلەتتى قازاقستانعا قادام باسۋى.
بىرىككەن ۇلتتار ۇيىمى باس حاتشىسىنىڭ بۇرىنعى ورىنباسارى, پرەزيدەنت توقاەۆ ءوز بيلىگىن ءبىر مەرزىممەن شەكتەدى. ول جىل باسىندا «پرەزيدەنت پارتيالىق ساياساتتان جوعارى تۇرۋى كەرەك» دەپ بيلىكتەگى «اmاnاt» پارتياسىنان شىقتى. سونداي-اق ساياسي پارتيالاردى قۇرۋدى جەڭىلدەتەتىن رەفورمالار ەنگىزدى. كەلەسى جىلى الەۋەتتى پارلامەنت سايلانادى.
سىرتقى ساياساتتا پرەزيدەنت تاۋەلسىز باعىتىنان جاڭىلعان جوق. كەيىنگى كەزدە حالىقارالىق شەكارالاردىڭ كەز كەلگەن كۇشتەپ وزگەرۋىنە قارسىلىق ءبىلدىرۋى ونىڭ رەسەيگە قاتىستى كوزقاراسىنان حابار بەرەدى. ويتكەنى قىتايمەن جانە ەۋروپالىق وداقپەن جاقىنىراق قارىم-قاتىناس ورناتۋعا ۇمتىلدى. شىعىس پەن باتىس اراسىنداعى ساۋدا دالىزىندەگى قازاقستاننىڭ شەشۋشى گەوساياسي ۇستانىمى قىتاي باسشىسى سي تسزينپينگە ۇناعانى انىق. سوندىقتان كوروناۆيرۋس پاندەمياسى باستالعاننان كەيىنگى العاشقى شەتەلدىك ساپارىن قازاقستاننان باستادى.
ءدال سول سەكىلدى ەۋروپالىق كوشباسشىلار دا استاناعا ءجيى كەلە باستادى. بىرنەشە كۇن بۇرىن ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەل ات باسىن تىرەدى.
«پرەزيدەنت ق.توقاەۆپەن جانە پرەمەر-ءمينيستردىڭ ورىنباسارى جانە سىرتقى ىستەر ءمينيسترى م.تىلەۋبەردىمەن كەزدەسۋدە قارىم-قاتىناستارىمىزداعى وڭ سەرپىندى قالاي العا جىلجىتۋ كەرەكتىگىن تالقىلادىق», دەدى ول. سونداي-اق قازاقستان ەو ءۇشىن ماڭىزدى ارىپتەس ەكەنىن اتاپ ءوتتى. مۇناي (جالپى, يمپورتتىڭ شامامەن 8 پايىزى), گاز, ۋران جانە باسقا دا ماڭىزدى شيكىزات جەتكىزەتىن سەنىمدى سەرىكتەس دەپ مالىمدەدى.
«ساياسي تۇرعىدان العاندا قازاقستان ساياسي پليۋراليزم باعىتىندا ءجۇرىپ جاتقان ءتۇرلى رەفورمالاردى باستان وتكەردى. بيىلعى پرەزيدەنت جانە كەلەسى جىلعى پارلامەنت سايلاۋى مۇنىڭ ماڭىزدى بولىگى», دەگەن ج.بوررەل قازاقستاننىڭ ودان ءارى ىلگەرىلەي بەرەتىنىنە سەنىم ءبىلدىردى. حالىقارالىق بايقاۋشىلار سايلاۋ ۇدەرەسىندە ەلەۋلى بۇزۋشىلىقتار بولماعانىن حابارلادى. استانا مەن ەڭ ءىرى قالا الماتىدا حالىقتىڭ سايلاۋعا قاتىسۋى ايتارلىقتاي تومەن بولعانىمەن, سايلاۋشىلار كوپتەپ جينالدى. شەتەلدىك وكىلدەر مۇنداي وزگەرىستەرگە ەركىن جانە ءادىل سايلاۋدا عانا قول جەتكىزۋگە بولاتىنىن اتاپ ءوتتى.
«بۇگىن – وتە ماڭىزدى, تاريحي كۇن. ەلىمىزدىڭ جارقىن بولاشاعى ءۇشىن داۋىس بەرىپ وتىرمىز. شىن مانىندە, بيىل وڭاي بولعان جوق. بىراق حالقىمىز جۇمىلىپ, قيىندىقتاردىڭ ءبارىن ەڭسەردى. ەندى الدىمىزدا تۇرعان وتە اۋقىمدى مىندەت, ماقسات بار. اتقاراتىن جۇمىس ءالى دە كوپ. ساياسي رەفورمالار جۇزەگە اسىرىلىپ جاتىر. جازدا جالپىۇلتتىق رەفەرەندۋم ءوتتى. ەندى, مىنە كەزەكتەن تىس پرەزيدەنت سايلاۋى وتكىزىلىپ جاتىر. كەلەشەكتە بۇل جۇمىستار جالعاسا بەرەدى», دەدى قاسىم-جومارت توقاەۆ استانادا داۋىس بەرگەننەن كەيىن.
