ەلىمىزدەگى اۋىل شارۋاشىلىعى سەكتورىن دامىتۋ جاعدايىندا اتالعان سالاداعى تجكبب ۇيىمدارىنىڭ نەعۇرلىم تالانتتى پەداگوگتەرىن انىقتاۋ جانە قولداۋ ماقساتىن كوزدەيتىن كونكۋرستىڭ بارىسىندا قاتىسۋشىلار التى ءمودۋلدى قامتيتىن تەوريالىق جانە پراكتيكالىق تاپسىرمالاردى ورىندادى. بايقاۋعا قاتىسۋشىلاردىڭ كاسىبي شەبەرلىگىن باعالاۋ ەلەكتروندىق تۇردە جۇرگىزىلدى. ال بايقاۋدىڭ ءبىرىنشى تەوريالىق كەزەڭى تاجىريبەلىك جۇمىستى ورىنداۋ كەزىندەگى ءىس-قيمىلداردىڭ بىرىزدىلىگىن قۇراستىرۋ مودۋلدەرى بويىنشا وتكىزىلدى.
ەكى كۇنگە سوزىلعان اۋىل شارۋاشىلىعى سالاسىنداعى تجكبب پەداگوگتەرى اراسىنداعى رەسپۋبليكالىق كاسىبي شەبەرلىك كونكۋرسىنىڭ قورىتىندىسىندا اگرونوميا سالاسى بويىنشا باس جۇلدەنى تۇركىستان وبلىسىنداعى تۇركىستان جوعارى كوپسالالى اگرارلىق كوللەدجىنىڭ وقىتۋشىسى بەيبىت مامبەت; ءى ورىندى تۇركىستان وبلىسىنداعى قاپلانبەك جوعارى اگرارلىق-تەحنيكالىق كوللەدجىنىڭ وقىتۋشىسى ازامات قالداسوۆ; ءىى ورىندى جامبىل وبلىسىنداعى قۇلان اگروتەحنيكالىق جوعارى كوللەدجىنىڭ وقىتۋشىسى مارات ياتاەۆ; ءىىى ورىندى پاۆلودار وبلىسىنداعى ەرتىس جوعارى يننوۆاتسيالىق اگرارلىق كوللەدجىنىڭ وقىتۋشىسى نۇرجان ابدينوۆ يەلەندى.
ۆەتەريناريا سالاسى بويىنشا باس جۇلدەگە قاپلانبەك جوعارى اگرارلىق-تەحنيكالىق كوللەدجىنىڭ وقىتۋشىسى گۇلجان نازيەۆا; ءى ورىنعا قۇلان اگروتەحنيكالىق جوعارى كوللەدجىنىڭ وقىتۋشىسى جانار بايساقالوۆا; ءىى ورىنعا الماتى قالاسىنداعى ەۋرازيا اگرارلىق كوللەدجىنىڭ وقىتۋشىسى ايدار مۇحامەتقاليەۆ; ءىىى ورىنعا جامبىل وبلىسىنداعى قورداي اۋىل شارۋاشىلىعى كوللەدجىنىڭ وقىتۋشىسى تالعات نۋريەۆ لايىقتى دەپ تابىلدى.
قاتىسۋشىلار قۇلان اگروتەحنيكالىق جوعارى كوللەدجى ۇجىمىنىڭ رەسپۋبليكالىق كونكۋرستى ۇيىمداستىرۋ دەڭگەيىنە ريزاشىلىقتارىن ءبىلدىردى.
م.باعىلبەكوۆا,
قۇلان اگروتەحنيكالىق جوعارى كوللەدجى ديرەكتورىنىڭ ورىنباسارى
جامبىل وبلىسى
