اتالعان تەحنولوگيا تۋرالى يدم اۆتوموبيل جولدارى كوميتەتىنىڭ توراعاسى تولەگەن ابدۋللين ايتىپ بەردى. ونىڭ ايتۋىنشا, جوبالاۋ كەزىندە ءار ايماقتىڭ كليماتتىق جاعدايى مەن تەمپەراتۋراسى ءارى قوزعالىس قارقىندىلىعى ەسكەرىلەدى. جاڭا تەحنولوگيا ءوز كەزەگىندە ەكسپلۋاتاتسيالىق سيپاتتامالاردى ارتتىرۋعا مۇمكىندىك بەرمەك.
«قازىر بىزدە تەك 3 كليماتتىق ايماق, بيتۋمنىڭ 2 ماركاسى ەسكەرىلەدى. ال Superpave تەحنولوگياسىندا 10-15 كليماتتىق ايماق قاراستىرىلادى. ءاربىر ءوڭىر ءۇشىن اسفالتبەتون قوسپالارى, بيتۋم, قيىرشىق تاستىڭ جەكەلەگەن قۇرامى قۇرىلادى», دەدى تولەگەن ابدۋللين.
بۇل جاڭاشىلدىق مەملەكەت باسشىسىنىڭ اۆتوجول سالاسىن رەفورمالاۋ تاپسىرماسىن ورىنداۋ ماقساتىندا ەنگىزىلمەك. سونىمەن بىرگە تولەگەن ابدۋللين اۆتوجول جوبالارىن EPCM كەلىسىمشارتى قاعيداتىنا ىسكە اسىرۋ جانە كوشىرۋ تۋرالى ايتىپ بەردى. اتالعان كەلىسىمشارتتىڭ نەگىزگى ارتىقشىلىعى – ونىڭ قۇنى تەحنيكالىق-ەكونوميكالىق نەگىزدەمەگە جانە جوبا-سمەتالىق قۇجاتتاماعا بايلانباي, ىرىلەندىرىلگەن باعالار بويىنشا ايقىندالادى.
EPCM كەلىسىمشارتىنىڭ قاعيداتى بويىنشا ءبىر ورىنداۋشى جوبانىڭ تولىق ومىرلىك تسيكلىن جۇزەگە اسىرادى, ياعني جوبالاۋ ساتىسىنان باستاپ وسى ۋچاسكەنى ودان ءارى 10 جىل بويى كۇتىپ ۇستايدى. بۇل رەتتە ورىنداۋشى جوبانى ىسكە اسىرۋدىڭ بارلىق تاۋەكەلدەرىن, ونىڭ ىشىندە قىمباتتاۋ بويىنشا مىندەتتەمەلەردى ءوز موينىنا الادى.
بۇدان بولەك اۆتوجول كەلىسىمشارتتارىنا FIDIC حالىقارالىق ەرەجەلەرىنىڭ تالاپتارىن ەنگىزۋ ماسەلەسى پىسىقتالۋدا.
