وتكىزۋ پۋنكتتەرىندە تەحنيكالىق باقىلاۋ قۇرالدارى جابدىقتارىنىڭ 70%-دان استامى ەسكىرگەن (يدك, رەنتگەن اپپاراتتارى, تارازى جابدىقتارى).
وزبەكستان رەسپۋبليكاسى دا وتكىزۋ پۋنكتتەرىن جاڭعىرتۋدى جۇزەگە اسىرۋدى جوسپارلاپ وتىر. سول ءۇشىن ەكى ۇكىمەت اراسىندا وتكىزۋ پۋنكتتەرىن, اۆتوموبيل جولدارىن قايتا قۇرۋ جانە جاڭعىرتۋ جانە قازاق-وزبەك شەكاراسىنداعى ىرگەلەس اۋماقتى جايلاستىرۋ جونىندەگى جول كارتاسىنا قول قويىلدى.
تاراپتار وتكىزۋ پۋنكتتەرىن ءبىر مەزگىلدە جاڭعىرتۋ جونىندەگى ءىس-شارالاردى تالقىلاۋ بويىنشا ەكىجاقتى كەزدەسۋلەردى تۇراقتى وتكىزۋدە.
جۇرگىزىلگەن جاڭعىرتۋلاردىڭ وڭ اسەرىن, كولىك اعىنىنىڭ ءوسۋىن جانە تولەمدەردىڭ ءتۇسۋىن ەسكەرە وتىرىپ, مكك 2022 جىلدان باستاپ ەاەو سىرتقى شەكاراسىنداعى 9 اۆتوموبيل, 1 تەمىرجول وتكىزۋ پۋنكتىن جانە استانا قالاسىنداعى قم مكك باس ديسپەتچەرلىك باسقارماسىن جاڭعىرتۋدى جانە تەحنيكامەن جاراقتاندىرۋدى باستادى.
بارلىق 9 اۆتوموبيل وتكىزۋ پۋنكتى بويىنشا جوبالاۋ كومپانياسى جوبالاۋ-سمەتالىق قۇجاتتاما ازىرلەدى, مەملەكەتتىك ساراپتامانىڭ قورىتىندىلارى الىندى. ءاربىر نىساندى قايتا قۇرۋدىڭ جوسپارلانعان مەرزىمى – 19 اي.
قازىرگى ۋاقىتتا «دوستىق» اۆتوموبيل وتكىزۋ پۋنكتىنىڭ قۇرىلىسى جانە «دوستىق» تەمىرجول وتكىزۋ پۋنكتىن تەحنيكالىق جابدىقتاۋ باستالدى.
2022 جىلعى 1 جەلتوقساننان باستاپ وزبەكستان تاراپىمەن كەلىسىم بويىنشا «قاپلانبەك» (قر) جانە «زانگيوتا» ء(ور) اۆتوموبيل وتكىزۋ پۋنكتتەرىن قايتا قۇرۋدى باستاۋ جوسپارلانىپ وتىر. پۋنكتتەر حالىقتىڭ تىعىز ورنالاسۋىنا جانە قولايلى جاعدايدىڭ بولماۋىنا بايلانىستى تولىق جابىلادى.
قالعان وتكىزۋ پۋنكتتەرىن قايتا جاڭارتۋدى جابۋسىز, بىراق اۆتوكولىك پەن جەكە تۇلعالاردىڭ قوزعالىسىن شەكتەي وتىرىپ, جۇرگىزۋ جوسپارلانۋدا. بارلىق وتكىزۋ پۋنكتتەرىن قايتا جاڭارتۋدى 2024 جىلدىڭ سوڭىندا اياقتاۋ جوسپارلانۋدا.
بارلىق وتكىزۋ پۋنكتتەرى مەملەكەتتىك شەكارادان ءوتۋ كەزىندە قازاقستان ازاماتتارى مەن قوناقتارى ءۇشىن قولايلى جاعداي جاساۋعا باعدارلانعان.
جولاۋشىلار تەرمينالدارىندا, سونداي-اق جۇك اكق جۇرگىزۋشىلەرىنە ارنالعان تۇراقتا حالىقارالىق اۋەجايلارعا ۇقساس بارلىق قاجەتتى جاعدايلار (اسحانالار, دارەتحانالار, انا مەن بالا بولمەلەرى جانە ت.ب.) جاسالادى.
سونداي-اق جاو-مەن بىرلەسىپ وتكىزۋ پۋنكتتەرىنىڭ الدىندا تۇراقتاردى جايلاستىرۋ بويىنشا جۇمىستار جۇرگىزىلۋدە. مىسالى, «دوستىق» اۆتوموبيل وتكىزۋ پۋنكتىنىڭ الدىندا «قازاۆتوجول» اق 2023 جىلى 200 اتس تۇراق سالۋ جوسپارلانۋدا.
