قانات جايعان قۇرىلىس

كەيىنگى 5 جىلدا بيۋدجەتتىك تۇر­عىن ءۇي قۇرىلىسىن قارجى­لاندىرۋ 3 ەسەدەن استام ءوستى. بۇل ىسكە 2017 جىلى 9 ملرد تەڭگە بولىنسە، بيىل 28 ملرد تەڭگە ءبولىندى. 2017 جىلدان باستاپ قۇرىلىس جۇمىستارىنىڭ كولەمى 65 ملرد تەڭگەدەن 108 ملرد تەڭگەگە دەيىن نەمەسە 66 پايىزعا ۇلعايدى. وسى كەزەڭدە وبلىستا 1،3 ملن شارشى مەتر تۇرعىن ءۇي سالىندى. سونىڭ ناتيجەسىندە 40 مىڭ ازامات جاڭا باسپانا الدى. 2017 جىلى 200 مىڭ شارشى مەتر تاپسىرىلسا، بيىل جوسپار بويىنشا جىل سوڭىندا 401 مىڭ شارشى مەتر پايدالانۋعا بەرىلەدى. سونىمەن قاتار ءوڭىردىڭ الەۋمەتتىك-ەكونوميكالىق دامۋى بويىنشا قابىلدانعان كەشەندى جوسپارىنا سايكەس 2026 جىلعا دەيىن 2،3 ملن شارشى مەتر تۇرعىن ءۇي سالىنادى دەپ مەجەلەنگەن.

مەملەكەتتىك قارجىلاندىرۋ كولەمىنىڭ كوبەيۋى جانە الەۋمەت­تىك-ەكونوميكالىق دامۋ كورسەت­كىشتەرىنىڭ ورىندالۋى سالىق تۇ­سىمدەرىن ۇلعايتۋعا، مىڭنان اس­تام جاڭا جۇمىس ورىندارىن قۇرۋعا جانە قۇرىلىس سالاسىنداعى ورتاشا جالاقىنى ايىنا 320 مىڭ تەڭگەگە دەيىن ارتتىرۋعا مۇمكىندىك بەردى.

بيۋدجەت قاراجاتى ەسەبىنەن سالىنىپ جاتقان تۇرعىن-ءۇي قۇ­رى­لىسىنا توقتالساق، قازىر 27 كوپقاباتتى ءۇيدىڭ قۇرىلىسى جۇر­گىزىلىپ جاتىر. جاڭا كوپ­قاباتتى تۇرعىن ءۇي بيۋدجەت قاراجاتىن از شىعىنداۋ ماقساتىمەن ين­جەنەرلىك، كوممۋنالدىق ينفرا­قۇرىلىمى دامىعان اۋماقتارعا سالىنۋدا. بۇل ءۇشىن اپاتتى جاع­دايداعى ەسكى ۇيلەر بۇزىلدى. 2017 جىلدان بەرى وسى ساناتتاعى 1 700 ءۇي بۇزىلعان. ەسكى ۇيلەر سۇرىلگەن اۋماقتاردا «جاس وركەن»، «ورتالىق»، «بەرەكە»  سياقتى جاڭا شاعىن اۋداندار بوي كوتەرىپ كەلەدى. اتالعان اۋدانداردا 2017 جىلدان بەرى 3 470 پاتەردەن تۇ­راتىن 25 كوپقاباتتى ءۇي سالىندى. 

قالانىڭ ىشىندە بىتقىل-بىتقىل كوشەلەردەن تۇراتىن «كو­پاي» اتتى شاعىن اۋدان بولعان. ءبىر ءۇيىنىڭ ءنومىرى 320 بولعاندا، ءدال جانىنداعى ءۇيدىڭ ءنومىرى 450 بولاتىن بۇل اۋدان مەكەنجايلارى پوش­تا، سالىق جانە ت.ب. قىزمەتتەردى شاتاستىرىپ، زىقىسىن شىعاراتىن. تۇرعىنداردىڭ وزدەرى دە ۇزاق جىلدار بويى قاشان دۇرىس كوشەلى ۇيلەرگە قول جەتكىزەمىز دەپ ارمان­داۋمەن بولاتىن. سول اۋداندا ءتۇزۋ كوشە سالۋ مەملەكەت باسشىسى تاراپىنان قولداۋ كورسەتىلگەن سولتۇستىك قازاقستان وبلىسىن الەۋمەتتىك-ەكونوميكالىق دا­مىتۋدىڭ 2020-2025 جىلدارعا ارنالعان كەشەندى جوسپارىنىڭ ناتيجەسىندە جۇزەگە اسىپ كەلەدى. بيىل «كوپايدىڭ» ەسكى ۇيلەرىنىڭ ەسەبىنەن 44،6 گەكتار جەر بوساتىلدى. بۇل ورىنعا 9 800 ادام تۇراتىن 2 800 پاتەردەن تۇراتىن 27 كوپقاباتتى ءۇيدىڭ قۇرىلىسى جۇرگىزىلمەك. بيىل سونىڭ 6 كوپ­قاباتتى ءۇيىنىڭ قۇرىلىسى باس­تالدى. ال 3 كوپقاباتتى ءۇي بويىن­شا كونكۋرستىق ءىس-شارالار جۇر­گىزىلۋدە.

تۇرعىن ءۇي قۇرىلىسىن جۇر­گىزۋگە جەكەمەنشىك كاپيتالدى دا تارتۋ قولعا الىنعان. وبلىس اكىمى قۇمار اقساقالوۆتىڭ تاپسىرماسىمەن قۇرىلىسقا جەكەمەنشىك ينۆەستيتسيا تارتۋ بويىنشا تامىز ايىندا ينۆەست-فورۋم ءوتتى. وعان ەلىمىزدىڭ بارلىق قۇرىلىس كومپانياسىنان 70-تەن ارتىق وكىل قاتىستى. كوپقاباتتى ۇيلەر سالۋ ءۇشىن وبلىس كومپانيالارعا جەر تەلىمىن ەكى ءتۇرلى ادىسپەن ۇسىندى. ءبىرىنشىسى، اۋكتسيون ارقىلى جەر بەرۋ، ەكىنشىسى، رەنوۆاتسيا باعدارلاماسى بويىنشا جەر تەلىمىن ءبولۋ. مۇنىڭ ءما­نىسى جاتاعان ۇيلەردى بۇزىپ، قو­جايىندارىنا اقى تولەۋ ارقىلى جەردى بوساتۋ. وبلىس اكىمىنىڭ ورىنباسارى ءساتجان ابلاليەۆتىڭ ايتۋىنا قاراعاندا، بۇگىنگى تاڭدا وننان اسا قۇرىلىس كومپانياسى سولتۇستىك قازاقستان وبلىسىندا جۇمىس ىستەۋگە ىقىلاس تانىتىپ، قۇجاتتارىن دايىنداپ جاتىر.

سونىمەن قاتار وبلىس اۋما­عىندا استانانىڭ، الماتىنىڭ، قاراعاندىنىڭ، كوكشەتاۋدىڭ قۇرىلىس كومپانيالارى ەڭبەك ەتىپ كەلەدى. ولاردىڭ وبلىستىڭ قۇ­رىلىس سالاسىنا تارتقان ينۆەس­تيتسياسىنىڭ كولەمى – 50 ملرد تەڭگەگە جاقىن.  وعان 165 مىڭ شارشى مەتردەن تۇراتىن 2 042 پاتەرلى 34 كوپقاباتتى كوممەرتسيالىق تۇرعىن ءۇي سالىنادى. وسى جۇيەمەن 2017 جىلى ءبىر-اق ءۇي سالىنعان ەدى.

سونىمەن قاتار «YDA» تۇرىك كومپانياسى كولەمى 2 گەكتار جەرگە ارقايسىسى 18 قاباتتان تۇراتىن 9 ءۇي قۇرىلىسىن جۇرگىزۋدى نيەت ەتىپ وتىر. وندا بيزنەس ورتالىعى، پاركينگ، كومفورتتى اۋلا سالۋ دا قاراستىرىلعان. قازىر ونىڭ جوبالىق قۇجاتتارى كەلىسىمنەن وتكىزىلۋدە. وسى ىسپەتتى ۇيلەردى جامبىل، قيزاتوۆ كوشەلەرىنىڭ بويىندا دا سالۋ قاراستىرىلۋدا.

وبلىستا تۇرعىن ءۇي عانا ەمەس، الەۋمەتتىك-مادەني عيماراتتار سالۋ دا قارقىندى جۇرگىزىلۋدە. سوڭعى بەس جىلدا تيميريازەۆ، شال اقىن، اققايىڭ، تايىنشا، م.جۇماباەۆ، اقجار، ءۋاليحانوۆ جانە ايىرتاۋ اۋداندارىندا 8 سپورتتىق ساۋىقتىرۋ كەشەنى بوي كوتەردى. بۇل نىسانداردىڭ قۇرىلىسى جامبىل، ايىرتاۋ (ەكىنشىسى)، ەسىل جانە ع.مۇسىرەپوۆ اۋداندارىندا جالعاسىپ جاتىر. قىسقى سپورت تۇرلەرىن دامىتۋ ماقساتىندا بيۋدجەتتىڭ جانە جەكە ينۆەستورلاردىڭ ەسەبىنەن م.جۇماباەۆ، مامليۋت، ەسىل اۋدان­دارىندا ەكىدەن، ع.مۇسىرەپوۆ، تي­ميريازەۆ اۋداندارىندا بىردەن جابىق حوككەي كورتتارى سالىندى. وبلىس ورتالىعىنداعى «قاراساي» ستاديونىندا UEFA ستاندارتتارىنا سايكەس فۋتبول الاڭى مەن كورەرمەندەر ورنى جاسالماق. ءتىپتى فۋتبول الاڭىن جىلىتاتىن قوندىرعى ورناتۋ دا كوزدەلگەن. قازىر جوبا دايىن، مەردىگەر دە تابىلدى.

سونداي-اق پەتروپاۆل قالا­سىندا 33 مىڭ شارشى مەترلىك سپورت سارايىن سالۋ جوسپارلانعان. ونىڭ اۋماعى 8،3 گەكتاردى قۇ­رايدى. ءارتۇرلى سپورت تۇرلەرى ءۇشىن نىساندا 17 زال سالىنادى. نەگىزگى بلوگىندا 3 200 كورەرمەن سىيا­تىن زال بولادى. بۇل سارايدا ميني-فۋتبول، باسكەتبول، گاندبول جانە ۆولەيبولدان ءىرى جارىستار وتكىزىلمەك.

وبلىستا ءبىلىم بەرۋ، دەنساۋلىق ساقتاۋ، مادەنيەت سالالارىنىڭ جاڭا نىساندارىنا ارنالعان قۇ­رىلىس بارىسى دا قىزۋ جۇر­گىزىلىپ جاتىر.

سولتۇستىك قازاقستان وبلىسى