تەاتر • 22 قاراشا، 2022

جاڭا تەاتر جان جادىراتادى

46 رەت كورسەتىلدى

وتكەن اپتانىڭ اياعىندا پەتروپاۆل قالاسىندا ءسابيت مۇقانوۆ اتىنداعى قازاق مۋزىكالىق-دراما تەاترىنىڭ كوپتەن كۇتكەن جاڭا عيماراتى اشىلىپ، وبلىس تۇرعىندارى ۇلكەن قۋانىشقا بولەندى.

تەاتردىڭ اشىلۋ سالتاناتىنا استانادان مادەنيەت جانە سپورت ءمينيسترى داۋرەن اباەۆ، قازاق ۇلتتىق ونەر ۋني­ۆەرسيتەتىنىڭ رەكتورى، قا­زاقستاننىڭ ەڭبەك ەرى اي­مان مۇساقوجاەۆا، گەنەرال-لەيتەنانت اباي تاسبولاتوۆ، دۇنيە­جۇزىلىك كانن كينو فەس­تيۆالىنىڭ لاۋرەاتى سامال ەس­لاموۆا، ءماجىلىس دەپۋتاتى جا­ناربەك ءاشىمجان ارنايى كەلدى.

سالتاناتتى كەشتى اشقان وبلىس اكىمى قۇمار اقساقالوۆ تۇرعىنداردى جارقىراعان ساۋ­لەتىمەن وبلىس ورتالىعىن بيىك بەلەسكە كوتەرگەن ونەر وشا­­عىنىڭ اشىلۋىمەن قۇت­تىقتاپ، العاشقى ءسوزدى داۋرەن اباەۆقا بەردى. ول ءوزىنىڭ ءسوزىن پرەزيدەنت ق.توقاەۆتىڭ سولتۇستىكقازاقستاندىقتاردى وسىناۋ تاماشا ونەر عيما­را­تىنىڭ اشىلۋىمەن قۇتتىق­تاعان حاتىن وقىپ بەرۋدەن باس­تادى. ءوزىنىڭ سوزىندە قىزىل­جار ءوڭىرى سال-سەرىلەردىڭ كيەلى بەسىگى ەكەنىن ايتا كەلىپ، سەگىز سەرى، ءبىرجان سال، اقان سەرى، ماعجان، ءسابيت، عابيت، سافۋان سياقتى ونەر مەن ادەبيەت ساڭلاقتارى شىققان ولكەنىڭ مادەنيەتى جاڭا بيىكتەرگە كوتەرىلۋىن تىلەدى. استانالىق قوناقتاردىڭ ءبارى دە وزدەرىنىڭ سوزىندە جاڭا تەاتردىڭ ولكە مادەنيەتىن كوتەرۋگە ۇلكەن قىزمەت ەتەتىنىنە سەنىم ءبىلدىردى.

بەس ءجۇز كورەرمەنگە ارنال­عان تەاتر عيماراتىنىڭ قۇ­رىلىسى 2018 جىلى باستالىپ، ءبىر جىلدا اياقتالۋعا ءتيىس ەدى. بىراق جوباعا ءبىرشاما وزگە­رىستەر ەنگىزىلىپ، ونىڭ قۇرى­لىسى كەشەۋىلدەپ كەتتى. قۇرى­لىستى جەتىلدىرىپ، ساۋلەتىن ارت­تىرۋدى تىكەلەي وبلىس اكىمى قۇمار اقساقالوۆ تالاپ ەتكەنى تۋرالى «Egemen» بۇرىن جازعان بولاتىن. تاپسىرىس بەرۋشى وبلىستىق اكىمدىك بول­عاندىقتان تەاتردىڭ ساۋلەتى وسى زا­مانعى جوعارى تالاپقا ساي بولۋى تالاپ ەتىلگەن ەدى. سون­دىقتان جوباعا كوپ وزگەرىس وسى تۇر­عىدا ەنگىزىلگەن. ونىڭ ۇس­تىنە جامان ىندەتتىڭ ءورشىپ تۇر­عان كەزدەرىندە ءتيىستى قۇ­رى­لىس ماتەريالدارى مەن تەات­ر جابدىقتارى ۋاقىتىندا جەتكىزىلمەدى. قۇرىلىس جۇمىس­تارى وسى سەبەپتەرمەن ۇزاپ كەتكەن.

نەگىزگى مەردىگەر كومپانيا ءىىم قاج كوميتەتى تۇ­زەتۋ مەكەمەلەرىنە جاتاتىن «ەڭبەك-وسكەمەن» كاسىپورنى بولدى. قۇرىلىستىڭ جالپى قۇنى 4،8 ملرد تەڭگە شاماسىن­­دا، وسىنىڭ ىشىندە قۇرال-جابدىقتار مەن باسقا دا شى­عىندار بار.

جارقىراعان تەاتردىڭ جالپى اۋدانى 15،5 مىڭ شارشى مەتر. قالامىزدا بۇ­رىن-سوڭدى مۇنداي ساۋلەتتى عيما­رات سالىنعان ەمەس. «بۇل قازاق­ستانداعى ەڭ وزىق ارحي­تەكتۋرالىق جوبامەن سالىنعان مۋزىكالىق-درامالىق تەاتر. قىزىلجارلىقتار ءۇشىن بۇل ءدۇبىرلى دە كۇمبىرلى وقيعا. بۇل ءوڭىر رۋحانياتىنىڭ جەدەل دامۋىنا اسەر ەتەرى ءسوزسىز»، دەدى جەرلەسىمىز، بەلگىلى كومپوزيتور جولامان تۇرسىنباەۆ.

تەاتردىڭ اشىلۋ سالتاناتى ءسابيت مۇقانوۆتىڭ «اق­قان جۇلدىز» رومانىنىڭ جەلىسىمەن جازىلعان «شوقان» سپەك­­تاكلىمەن جالعاستى.

سوڭعى جاڭالىقتار

ۇقساس جاڭالىقتار