ونەردىڭ اسىلى قاشاندا قۇنىن جويمايدى. بۇل, اسىرەسە, سىرعا باي بەينەلەۋ ونەرىندە كوپتەپ كەزدەسەدى. ونداعى سان قىرلى سىردى ىشىنە بۇككەن مايلى بوياۋ كارتينالارى وزىندىك قۇپيالارىمەن كورەرمەندى باۋراپ الىپ, قانشا رەت قادالا قاراسا دا كوزى تويمايدى. وسىنداي شىعارما اۆتورلارىنىڭ ءبىرى حالىق سۋرەتشىسى ساحي رومانوۆ دەسەك, جۋىردا اتاقتى ونەر يەسىنىڭ تۋىندىلارىنان تۇراتىن كورمە ەلورداداعى وقۋشىلار سارايىندا ءوز جالعاسىن تاپتى. اتالعان شاراعا, عالىمدار, سۋرەتشىلەر, ولكەتانۋشىلار مەن جالپى ونەر-سۇيەر جۇرتشىلىق قاتىستى.
قاراعاندى وبلىسى, اقتوعاي اۋدانىنىڭ پەرزەنتى ساحي رومانوۆتىڭ قىلقالامىنان تۋعان تىرناقالدى تۋىندىسى «جايلاۋداعى كەش» پولوتنوسى ەكەن. مۇندا اۆتور بوياۋلاردىڭ ۇندەستىك ۇيلەسىمىن شەبەر بەينەلەگەن. كەشكى مەزگىلدەگى شوپان قىزدىڭ قويدى تاۋ ەتەگىنەن ءتۇسىرىپ, اۋىلعا ايداپ كەلە جاتقانى ەڭبەك يەسى كەسكىنىندەگى ەڭبەك راحاتىنىڭ تابىن كورسەتكەندەي. سۋرەتشىنىڭ بۇل شىعارماسى اۋەلى سول جىلى «وگونەك» جۋرنالىندا جاريالانادى. سونداي-اق, قىلقالام يەسىنىڭ ابىروي-اتاعىن كوتەرگەن «قىرىق وتىرىك», «قۇرمانعازى», «جەر تۋرالى دەكرەت», «كىسەن اشقان», «وتان اياسىندا» كوركەم تۋىندىلارى كوپشىلىككە كەڭىنەن تانىمال.
جالپى, ساحي رومانوۆ كينو سالاسىنا دا ەڭبەك سىڭىرگەن جان. ونىڭ «ءان قاناتى», «قاناتتى سىيلىق», «الدار كوسە», «دالاداعى قۋعىن» فيلمدەرىنە دەكوراتسيالىق سۋرەتتەر سالعانى ءسوزىمىزدىڭ دالەلى.
«استانادا وتكىزىلىپ جاتقان كورنەكتى سۋرەتشى, ونەر قايراتكەرى ساحي رومانوۆتىڭ كورمەسىنىڭ ەلوردانىڭ زيالىلارى مەن جاس ۇرپاقتارى ءۇشىن ماڭىزى ەرەكشە. ويتكەنى, سۋرەتشىنىڭ ەسىمى ەلىمىزدە عانا ەمەس, بۇرىنعى كەڭەس وداعىندا, شەتەلدە بەلگىلى بولعان. س.رومانوۆ قازاق قىلقالام ونەرىنىڭ, سونىڭ ءىشىندە كەسكىندەمە, پورترەت ونەرىنىڭ وزىق شەبەرى. ونىڭ شىعارمالارىنان ءبىز ءاردايىم قازاق دالاسى مەن تۇرمىس سالتىنىڭ, ۇلتتىق ەرەكشەلىگىنىڭ بەينەسىن كورەمىز. ونەر يەسىنىڭ شىعارماشىلىعى ءوز زامانىندا وتە كەڭ تارالدى. دەسەك تە, تاۋەلسىزدىكتىڭ 23 جىلىندا ونىڭ مۇراسىنا قايتا ءبىر قاراۋ وتە ماڭىزدى. بۇل سۋرەتتەردىڭ دەنى ەلدە ساقتالىپ قالعان, مۇراعات قويمالارىندا ءالى كۇنگە دەيىن حالىققا كوپ ناسيحاتتالماعان تۋىندىلار. سوندىقتان دا, ولاردى ساحي رومانوۆتىڭ ەڭبەكتەرىنىڭ جاريالانباعان جاڭا بەتى, تانىستىرىلعان پاراقتارى دەۋگە دە بولادى», – دەدى كورمەدە ءسوز العان فيلولوگيا عىلىمدارىنىڭ دوكتورى ديحان قامزابەك ۇلى. سونىمەن قاتار, ول شارانى ۇيىمداستىرۋعا بەلسەندىلىك تانىتقان ازاماتتارعا دا شەكسىز العىسىن جەتكىزدى. ال سۋرەتشىنىڭ مۇرالارىن تىرنەكتەپ جيناۋدا بارىن سالىپ جۇرگەن اقتوعاي ارحەولوگيالىق ەتنوگرافيالىق مۇراجايىنىڭ ديرەكتورى, ولكەتانۋشى تۇڭعىشباي مۇقانوۆ اۆتور جايىندا مول ماعلۇماتتاردان سىر شەرتتى.
كورمەدەن ويىپ تۇرىپ ورىن العان «مايانىڭ سۋرەتى», «بۇعاۋدان بوساۋ», «اقىننىڭ سۋرەتى», «قايران شەشەم», «جايلاۋداعى كەش», «اجە» تۋىندىلارى كورەرمەننىڭ كوزايىمىنا اينالىپ, جۇرتشىلىقتى تامسانتتى.
ءابدىراحمان قىدىربەك,
«ەگەمەن قازاقستان».
سۋرەتتەردە: س.رومانوۆ. «قۇرمانعازى», «قايران شەشەم».
سۋرەتتەردى تۇسىرگەن ەرلان وماروۆ.
قاراعاندى وبلىسى, اقتوعاي اۋدانىنىڭ پەرزەنتى ساحي رومانوۆتىڭ قىلقالامىنان تۋعان تىرناقالدى تۋىندىسى «جايلاۋداعى كەش» پولوتنوسى ەكەن. مۇندا اۆتور بوياۋلاردىڭ ۇندەستىك ۇيلەسىمىن شەبەر بەينەلەگەن. كەشكى مەزگىلدەگى شوپان قىزدىڭ قويدى تاۋ ەتەگىنەن ءتۇسىرىپ, اۋىلعا ايداپ كەلە جاتقانى ەڭبەك يەسى كەسكىنىندەگى ەڭبەك راحاتىنىڭ تابىن كورسەتكەندەي. سۋرەتشىنىڭ بۇل شىعارماسى اۋەلى سول جىلى «وگونەك» جۋرنالىندا جاريالانادى. سونداي-اق, قىلقالام يەسىنىڭ ابىروي-اتاعىن كوتەرگەن «قىرىق وتىرىك», «قۇرمانعازى», «جەر تۋرالى دەكرەت», «كىسەن اشقان», «وتان اياسىندا» كوركەم تۋىندىلارى كوپشىلىككە كەڭىنەن تانىمال.
جالپى, ساحي رومانوۆ كينو سالاسىنا دا ەڭبەك سىڭىرگەن جان. ونىڭ «ءان قاناتى», «قاناتتى سىيلىق», «الدار كوسە», «دالاداعى قۋعىن» فيلمدەرىنە دەكوراتسيالىق سۋرەتتەر سالعانى ءسوزىمىزدىڭ دالەلى.
«استانادا وتكىزىلىپ جاتقان كورنەكتى سۋرەتشى, ونەر قايراتكەرى ساحي رومانوۆتىڭ كورمەسىنىڭ ەلوردانىڭ زيالىلارى مەن جاس ۇرپاقتارى ءۇشىن ماڭىزى ەرەكشە. ويتكەنى, سۋرەتشىنىڭ ەسىمى ەلىمىزدە عانا ەمەس, بۇرىنعى كەڭەس وداعىندا, شەتەلدە بەلگىلى بولعان. س.رومانوۆ قازاق قىلقالام ونەرىنىڭ, سونىڭ ءىشىندە كەسكىندەمە, پورترەت ونەرىنىڭ وزىق شەبەرى. ونىڭ شىعارمالارىنان ءبىز ءاردايىم قازاق دالاسى مەن تۇرمىس سالتىنىڭ, ۇلتتىق ەرەكشەلىگىنىڭ بەينەسىن كورەمىز. ونەر يەسىنىڭ شىعارماشىلىعى ءوز زامانىندا وتە كەڭ تارالدى. دەسەك تە, تاۋەلسىزدىكتىڭ 23 جىلىندا ونىڭ مۇراسىنا قايتا ءبىر قاراۋ وتە ماڭىزدى. بۇل سۋرەتتەردىڭ دەنى ەلدە ساقتالىپ قالعان, مۇراعات قويمالارىندا ءالى كۇنگە دەيىن حالىققا كوپ ناسيحاتتالماعان تۋىندىلار. سوندىقتان دا, ولاردى ساحي رومانوۆتىڭ ەڭبەكتەرىنىڭ جاريالانباعان جاڭا بەتى, تانىستىرىلعان پاراقتارى دەۋگە دە بولادى», – دەدى كورمەدە ءسوز العان فيلولوگيا عىلىمدارىنىڭ دوكتورى ديحان قامزابەك ۇلى. سونىمەن قاتار, ول شارانى ۇيىمداستىرۋعا بەلسەندىلىك تانىتقان ازاماتتارعا دا شەكسىز العىسىن جەتكىزدى. ال سۋرەتشىنىڭ مۇرالارىن تىرنەكتەپ جيناۋدا بارىن سالىپ جۇرگەن اقتوعاي ارحەولوگيالىق ەتنوگرافيالىق مۇراجايىنىڭ ديرەكتورى, ولكەتانۋشى تۇڭعىشباي مۇقانوۆ اۆتور جايىندا مول ماعلۇماتتاردان سىر شەرتتى.
كورمەدەن ويىپ تۇرىپ ورىن العان «مايانىڭ سۋرەتى», «بۇعاۋدان بوساۋ», «اقىننىڭ سۋرەتى», «قايران شەشەم», «جايلاۋداعى كەش», «اجە» تۋىندىلارى كورەرمەننىڭ كوزايىمىنا اينالىپ, جۇرتشىلىقتى تامسانتتى.
ءابدىراحمان قىدىربەك,
«ەگەمەن قازاقستان».
سۋرەتتەردە: س.رومانوۆ. «قۇرمانعازى», «قايران شەشەم».
سۋرەتتەردى تۇسىرگەن ەرلان وماروۆ.
