جاعا ۇستاتاتىن مالىمەت تاراعالى بىرنەشە اپتا وتسە دە, بۇل ماسەلە ماڭىزىن جويماعان سەكىلدى. سىبايلاس جەمقورلىققا قارسى ءىس-قيمىل اگەنتتىگى جامبىل وبلىسى بويىنشا دەپارتامەنت باسشىسىنىڭ ءبىرىنشى ورىنباسارىنىڭ مىندەتىن اتقارۋشى داۋرەن وماروۆتىڭ ايتۋىنشا, وڭىردە «تۇرعىن ءۇي تۋرالى» زاڭنامادا كورسەتىلگەن تالاپ-مىندەتتەر بويىنشا اتقارىلۋعا ءتيىس جۇمىستار ءوز دەڭگەيىندە جۇرگىزىلمەگەن.
«تۇرعىن ءۇي قاتىناستارى سالاسىندا جەرگىلىكتى اتقارۋشى ورگانداردىڭ قۇرىلىمدىق بولىمشەلەرى تاراپىنان «تۇرعىن ءۇي قاتىناستارى تۋرالى» زاڭنامادا كوزدەلگەن مىندەتتەردىڭ ورىندالماي وتىرعانى بەلگىلى بولىپ وتىر. اتاپ ايتقاندا, كەزەكتە تۇرعانداردىڭ ءتىزىمىن وزەكتەندىرۋ بويىنشا ءىس-شارالار ءتيىستى دەڭگەيدە جۇرگىزىلمەگەن. سونىمەن قاتار جۇرگىزىلگەن مونيتورينگكە زەر سالساق, 5725 ادامنىڭ كەزەكتە زاڭسىز تۇرعانى اشكەرەلەنىپ وتىر», دەدى دەپارتامەنت وكىلى.
د.وماروۆتىڭ مالىمدەۋىنشە, ولاردىڭ 257-ءسى قايتىس بولعان, 3415-ءىنىڭ ءارتۇرلى جىلجىمايتىن م ۇلىكتەرى بار بولىپ شىقسا, 1955 ازامات باسپاناعا مۇقتاج رەتىندە ەسەپكە قويىلعاننان كەيىن نەكەگە تۇرعان. ال 17 ادامنىڭ باسقا مەملەكەتتەردە تۇراتىنى انىقتالىپ, 81 ازاماتتىڭ مۇلدە جامبىل وبلىسىندا تىركەلمەگەنى بەلگىلى بولعان.
«بۇل ماسەلە بويىنشا تاراز قالاسى مەن اۋدان اكىمدەرىنە مونيتورينگ ناتيجەلەرى جولداندى. دەپارتامەنتتىڭ ارالاسۋى ناتيجەسىندە 1075 ادام كەزەكتەن شىعارىلدى. قالعان 4650 ازامات بويىنشا قازىرگى ۋاقىتتا كەزەكتەن شىعارۋ جونىندە ءىس-شارالار جۇرگىزىلۋدە», دەيدى د.وماروۆ.
جامبىل وبلىسى
