سايلاۋ • 20 قاراشا، 2022

الماتىدا جالپى سايلاۋشىلاردىڭ 27 پايىزدان استامى داۋىس بەردى

44 رەت كورسەتىلدى

الماتى قالاسى اۋماقتىق سايلاۋ كوميسسياسىنىڭ ءتورايىمى جاننا اسانوۆا الماتىداعى قازاقستان رەسپۋبليكاسى پرەزيدەنتىنىڭ سايلاۋىن جاريالاۋعا ارنالعان ءباسپاسوز ورتالىعىنىڭ الاڭىندا سايلاۋ بارىسى تۋرالى ماڭىزدى اقپارات بەردى، دەپ جازادى Egemen.kz.

جابىق سايلاۋ ۋچاسكەلەرىندە 12 381 سايلاۋشى داۋىس بەردى. الدىن الا ءوتىنىش جازعان 2295 ازامات ۇيىندە داۋىس بەرۋگە ءوتىنىش بىلدىرگەن. الماتىداعى سايلاۋ ۋچاسكەلەرىندە 3 مىڭنان استام ۇلتتىق جانە 43 حالىقارالىق باقىلاۋشى جۇمىس ىستەپ جاتىر.

جاننا اسانوۆا سايلاۋ كوميسسياسىنىڭ زاڭعا سايكەس حاتتامانى كىمگە بەرۋگە قۇقىعى بار ەكەنىن تاعى دا ءتۇسىندىردى.

«زاڭدا داۋىستاردى ساناۋعا قاتىسقان بايقاۋشىنىڭ، سەنىمدى تۇلعالاردىڭ داۋىس بەرۋ ناتيجەلەرى تۋرالى حاتتامانى ۇسىنۋ ءتارتىبى بەلگىلەنگەن، حاتتاما سايلاۋ كوميسسياسىنىڭ ستەندىلەرىنە دە ىلىنەدى. حاتتامانى باق وكىلدەرىنە بەرۋ زاڭدا قاراستىرىلماعان»، دەيدى ج.اسانوۆا.

سونداي-اق ءباسپاسوز ءماسليحاتى بارىسىندا جاننا اسانوۆا سايلاۋشىلاردىڭ سايلاۋ بيۋللەتەنىن جاشىككە سالار الدىندا سۋرەتكە ءتۇسىرىپ الۋى كەڭ تاراعان جاعدايعا قاتىستى پىكىر ءبىلدىردى. مۇنداي جاعداي بۇگىن №55 ورتا مەكتەپتەگى №72 سايلاۋ ۋچاسكەسىندە ورىن الدى.

«بۇل ارەكەت پەن ۇگىت جۇرگىزۋدىڭ ارا-جىگىن اجىراتىپ الۋ كەرەك، ەگەر سايلاۋشى بيۋللەتەندى جاشىككە سالماي تۇرىپ سۋرەتكە ءتۇسىرىپ السا جانە ونى ەشقايدا جاريالاماسا، بۇل زاڭ بۇزۋشىلىق ەمەس. ەستەلىك ءۇشىن سۋرەتكە تۇسىرۋگە بولادى، بىراق ەگەر ادام بەلگىلى ءبىر كانديداتتى تاڭداعانىن كورسەتىپ، ونى قولداپ بيۋللەتەندى جاريالاسا، بۇل باسقا ماسەلە. سوندىقتان بۇل جەردە ۇلكەن ايىرماشىلىق بار»،  دەپ ءتۇسىندىردى ج.اسانوۆا.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار