رومان ۆاسيلەنكو شەتەلدە داۋىس بەرۋ قارقىنى قالاي ءوتىپ جاتقانىن ايتىپ بەردى.
جالپى كەزەكتەن تىس پرەزيدەنت سايلاۋىنا بايقاۋشى رەتىندە كوپتەگەن شەتەلدىك باقىلاۋشىلار قىزىعۋشىلىق تانىتتى. مينيستر ورىنباسارى اتاپ وتكەندەي, 10 حالىقارالىق ۇيىم مەن 35 شەت مەملەكەتتەن اككرەديتتەلگەن بايقاۋشىلاردىڭ جالپى سانى 641 ادامدى قۇرادى.
سونداي-اق سايلاۋ جونىندەگى اقپاراتتاردى 264 شەتەلدىك جۋرناليست تاراتىپ جاتىر.
«شەتەلدە تۇرىپ جاتقان قازاقستاندىقتاردىڭ كونستيتۋتسيالىق قۇقىقتارىن ساقتاۋ ماقساتىندا 53 مەملەكەتتە 68 سايلاۋ ۋچاسكەسى قۇرىلدى. جالپى, شەت مەملەكەتتەردە 12 841 سايلاۋشى تىركەلدى. 19:00-دەگى جاعداي بويىنشا شەت مەملەكەتتەردە 10 سايلاۋ ۋچاسكەسى جۇمىسىن اياقتادى. اتاپ ايتقاندا, كورەيا, جاپونيا, قىتاي, سينگاپۋر, مالايزيا, موڭعوليا, تايلاند, يندونەزيا جانە ت.ب. وسى ۋاقىتقا دەيىن 7 400-گە جۋىق, ياعني شەتەلدە جۇرگەن قازاقستاندىقتاردىڭ 57%-دان استامى داۋىس بەرىپ ۇلگەردى», دەدى رومان ۆاسيلەنكو.
سپيكەردىڭ ايتۋىنشا, سان-فرانتسيسكوداعى سايلاۋ ۋچاسكەسى ءالى اشىلمادى.
