سايلاۋ ۋچاسكەسىنىڭ تىزىمىندە وزبەكستان اۋماعىندا تۇراقتى جانە ۋاقىتشا تۇراتىن 600-دەن استام قازاقستاندىق بار. ەل بولاشاعىن انىقتاۋعا اتسالىسۋ ماقساتىندا وزبەكستاننىڭ تۇكپىر-تۇكپىرىنەن تاشكەنتكە قازاقستان رەسپۋبليكاسىنىڭ ازاماتتارى كەلەدى.
وزبەكستاندا جەكە, رەسمي جانە تۋريستىك ماقساتتا جۇرگەن قازاقستاندىقتار دا داۋىس بەرۋگە كەلەدى.
ء«بىز وقۋ-جاتتىعۋ جيىنىندا جۇرگەن تاشكەنت وبلىسىنىڭ المالىق قالاسىنان ارنايى كەلدىك. ءبىز ءاربىر ازامات ءوز ەلىنە ادال قىزمەت ەتىپ, بولاشاعىمىز ءۇشىن داۋىس بەرۋى كەرەك دەپ ەسەپتەيمىز», دەدى بايداركا مەن كانوەدە ەسۋدەن قازاقستان قۇراماسىنىڭ كاپيتانى تيموفەي ەمەليانوۆ جۋرناليستەرگە بەرگەن سۇحباتىندا.
ەلشىلىك قىزمەتكەرلەرى سايلاۋدىڭ اشىقتىعى مەن جاريالىلىعىن, سايلاۋ ۋچاسكەسىنىڭ ۇزدىكسىز جۇمىس ىستەۋىن قامتاماسىز ەتۋگە بار كۇش-جىگەرىن سالدى. قوناقتاردى جىلى قارسى الىپ, ۇلتتىق تاعامداردان داستارحان جايىلدى.
تاڭەرتەڭگى ساعات 7:00-دە باستالعان داۋىس بەرۋ جەرگىلىكتى ۋاقىت بويىنشا كەشكى ساعات 20:00-گە دەيىن جالعاسادى.
