ءوز تاڭداۋىن ءبىرىنشى بولىپ قر ۇۇ «شىعىس» وڭىرلىك قولباسشىلىعىنىڭ قولباسشىسى گەنەرال-مايور رۇستەم اقبالين جانە جەدەل ماقساتتاعى 2 روتانىڭ مەرزىمدى قىزمەت ساربازى قاتارداعى جاۋىنگەر سۇلتان اساۋباەۆ جاسادى. ول ورال قالاسىنان شاقىرىلعان ەدى.
ساربازدار سايلاۋعا العاش رەت قاتىسىپ وتىر, ويتكەنى ولاردىڭ جاسى 18-19-دا.
ايتا كەتسەك, «شىعىس» وڭىرلىك قولباسشىلىعى بويىنشا بارلىعى 6 داۋىس بەرۋ ۋچاسكەسى جۇمىس ىستەيدى. وعان مەرزىمدى قىزمەتتىڭ اسكەري قىزمەتشىلەرى عانا ەمەس, وفيتسەرلەر مەن سەرجانتتار دا قاتىسادى.
وسىدان ەكى كۇن بۇرىن وسكەمەن قالاسىنىڭ 5518 اسكەري بولىمىنە جاڭادان جاس ساربازدار كەلدى. ولارعا اسكەري ءبولىمنىڭ اۋماعىنداعى سايلاۋ ۋچاسكەسىندە داۋىس بەرۋگە قاتىسۋ قۇقىعى بەرىلدى.
