فوتو: ەرلان ومار
بۇل تۋرالى قازىرگى مەملەكەت باسشىسى ءوزىنىڭ سايلاۋ ۋچاسكەسىندە داۋىس بەرگەننەن كەيىن ايتتى.
جۋرناليستەر پرەزيدەنتكە قازاقستاننان زاڭسىز شىعارلىعان قارجى تۋرالى ساۋال قويدى.
سۇراققا جاۋاپ بەرە وتىرىپ, مەملەكەت باسشىسى ەلىمىزدە قازاقستاننان زاڭسىز اكەتىلگەن قاراجاتتى قايتارۋ جونىندەگى كوميسسيا قۇرىلعانىن ەسكە سالدى. كوميسسيا جۇمىسىن مەملەكەت باسشىسى جەكە قاداعالايدى.
«باس پروكۋروردىڭ باسشىلىعىمەن ارنايى كوميسسيا قۇرىلدى, مەن بۇل كوميسسيانىڭ جۇمىسىن ءوزىم قاداعالايمىن. جاقىن ارادا ءبىز ەلىمىزدەن زاڭسىز اكەتىلگەن كاپيتالدى قايتارۋ تۋرالى زاڭ قابىلداۋىمىز كەرەك دەپ ويلايمىن», دەدى قاسىم-جومارت توقاەۆ جۋرناليستەرگە بەرگەن سۇحباتىندا.
