ماسەلەن 2023 جىلى ۇركەر (يلينكا), تەلمان ەلدى مەكەندەرىندە, ش.ايتماتوۆ كوشەسى اۋماعىندا, ج.تاشەنوۆ پەن ت.حۋسەين كوشەلەرىنىڭ قيىلىسىندا, اباي داڭعىلىندا گۇلزارلاردى اباتتاندىرۋ جوسپارلانىپ وتىر.
سول سياقتى ابىلايحان داڭعىلىنىڭ بويىندا, كۇيشى دينا كوشەسىنەن مۇستافين كوشەسىنە دەيىنگى ارالىقتا, جۇرگەنوۆ كوشەسى, 28/1, قوشقارباەۆ كوشەسى, 45, قورداي جانە تايقازان كوشەلەرىنىڭ قيىلىسىندا, ك.ازىرباەۆ كوشەسى, 10-14 جانە ت.ب. مەكەنجايلاردا اللەيا بولادى. ايتا كەتۋ كەرەك, سوڭعى جىلدارى استانادا جىل سايىن 200-دەن استام اۋلا مەن قوعامدىق كەڭىستىك (ساياباقتار, گۇلزارلار, جەلەكجولدار) اباتتاندىرىلۋدا.
سونىمەن قاتار ۇلكەن جانە كىشى تالدىكول بويىندا ەكوپاركتەر سالىنادى. ەكوپارك جوباسى اۋماقتى اباتتاندىرۋدى, ۇلكەن جانە كىشى تالدىكول سۋ بالانسىن ساقتاپ ءارى تولىقتىرا وتىرىپ, رەكرەاتسيالىق ايماق سالۋدى كوزدەيدى. سۋ ايدىندارى سالىنادى, ولار سۋمەن قامتاماسىز ەتىلەدى. بۇل سۋدىڭ تەپە-تەڭدىگىن ساقتاۋعا جانە سۋدىڭ تابيعي تۇردە ءسۇزىلۋىن جاساۋعا, ەكوجۇيەنىڭ بيوارتۇرلىلىگىن ساقتاۋعا مۇمكىندىك بەرەدى. بۇعان دەيىن كىشى تالدىكول اۋدانىندا ساياباقتىڭ رەلەفىن قۇرۋ جانە اعاش وتىرعىزۋ ءۇشىن اۋماقتى دايىنداۋ جۇمىسى باستالعان بولاتىن. سول سياقتى ۇلكەن تالدىكول ماڭىندا قورىق جانە ورمان-ساياباق ايماعى بار ەلدەگى العاشقى تابيعي پارك اشىلادى.
ايتا كەتسەك, سوڭعى جىلدارى استانادا 900-دەن استام اۋلا مەن قوعامدىق كەڭىستىك اباتتاندىرىلدى. بيىل بەيبىتشىلىك جانە كەلىسىم سارايى اۋماعىندا امفيتەاتر, قالانىڭ وڭ جاعالاۋىندا تاعى ءبىر جاياۋ جۇرگىنشىلەر جولى, «ۆسترەچا» ساۋدا ءۇيى جانىنداعى قوعامدىق كەڭىستىك, «بەيبىتشىلىك جانە كەلىسىم» ساياباعى, قالالىق الاڭ سالىندى.
استانانىڭ باس جوسپارىنىڭ جوباسى تالقىلاۋ كەزەڭىندە تۇر. قالانىڭ باس جوسپارىنىڭ جوباسىن تالقىلاۋ 2022 جىلعى 15-18 قاراشا ارالىعىندا «استانا باس جوسپارى» عزجي» جشس عيماراتىندا, استانا قالاسى, ءا.مامبەتوۆ ك-ءسى, 22, كورمە زالى مەكەن-جايىندا وتەدى.
