باسقوسۋ بارىسىندا قوعامداعى وزەكتى سۇراقتار مەن الەۋمەتتىك قىزمەتكەرلەردىڭ ماسەلەلەرى تالقىلاندى. قاراقات ابدەن بۇل سالانىڭ ماڭىزدىلىعىن تىلگە تيەك ەتىپ, الەۋمەتتىك قىزمەتتىڭ نەگىزگى ماسەلەلەرىنە توقتالدى.
«الەۋمەتتىك كومەككە مۇقتاج ادامداردىڭ سانى ارتىپ كەلەدى, بىراق ەلىمىزدە كاسىبي الەۋمەتتىك قىزمەتكەرلەر جەتىسپەيدى. زاڭناماعا قاجەتتى وزگەرىستەردى ەنگىزە وتىرىپ, الەۋمەتتىك قىزمەتكەردىڭ مارتەبەسىن كوتەرەتىن كەز كەلدى دەپ سانايمىن. ءبىزدىڭ قوعام ولاردىڭ جۇمىسىن ءتيىستى دەڭگەيدە باعالامايدى. مىسالى, بيىل وسى ماماندىققا بولىنگەن 100 ءبىلىم بەرۋ گرانتى بويىنشا تەك 35 ادام عانا وقۋعا تۇسۋگە نيەت ءبىلدىردى. ماماندىقتىڭ مارتەبەسىن ارتتىرۋ ماقساتىندا ەل ىشىندە جان-جاقتى اقپاراتتىق-ناسيحاتتاۋ جۇمىسىن جۇرگىزۋ كەرەك. كاسىبي الەۋمەتتىك قىزمەتكەرلەردى دايارلاۋ ءۇشىن ارنايى ينستيتۋتتى نەمەسە جوعارى وقۋ ورىندارىندا كافەدرالار مەن فاكۋلتەتتەردى قۇرۋدى ۇسىنامىن. عىلىم جانە جوعارى ءبىلىم مينيسترلىگى تاراپىنان «الەۋمەتتىك قىزمەتكەر» ماماندىعى بويىنشا ارنايى ءبىلىم بەرۋ ستاندارتى ازىرلەنۋگە ءتيىس», دەدى كانديدات.
