مەيرام قاجىكەن جاس مۇعالىمدەرگە بولىنەتىن قاراجات جەتكىلىكسىز بولعاندىقتان ماماندار قالاعا قايتىپ كەتەتىنىن جاسىرمادى. «مەن بۇل ماسەلەمەن تانىسپىن. جاستار ەكى جىلعا كەلەدى, قيىندىقتارعا تاپ بولادى, شىدامايدى, سوسىن كەتەدى. تۇرعىن ءۇي جانە جالاقى ماسەلەسى شەشىلمەيدى. بۇل ۇدەرىستى ۇكىمەت ناشار باقىلايدى. ەگەر ءبىز جاس مامانداردى, دارىگەرلەردى, بۋحگالتەرلەردى, مۇعالىمدەردى اۋىلدىق جەرلەردە قالدىرعىمىز كەلسە, باعدارلامانى قايتا قاراپ, جەتىلدىرۋىمىز قاجەت», دەدى كانديدات. ۇمىتكەر مامانداردىڭ جەتىسپەۋشىلىگى ادامداردىڭ ومىرىنە جانە جالپى ءوڭىر ەكونوميكاسىنا تەرىس اسەر ەتەتىنىن ەسكە سالدى.
ال الماتىدا ۇيىمداستىرىلعان دوڭگەلەك ۇستەلدە جۇمىس بەرۋشىلەر مەن كاسىپوداقتاردىڭ وكىلدەرى «اتامەكەن» ۇلتتىق پالاتاسىنا بالاما ۇيىم قۇرۋ تۋرالى باستاما كوتەردى. وتىرىسقا قاتىسۋشىلاردىڭ ايتۋىنشا, كاسىپكەرلەر ۇلتتىق پالاتانىڭ كەيبىر ارەكەتتەرىنە نارازى. سوندىقتان كوپ ازامات ءۇشىن جۇمىس بەرۋشى بولىپ تابىلاتىن بيزنەستىڭ مۇددەلەرىن قورعاۋ جونىندەگى جاڭا ورگان قۇرۋ تۋرالى ماسەلە تۋىندادى. تالقىلاۋ ناتيجەسىندە تاراپتار ەكىجاقتى الەۋمەتتىك ارىپتەستىك الاڭىن دامىتۋ تۋرالى شەشىم قابىلدادى.
