قارىم-قاتىناستىڭ جاڭا قادامدارى

“قازاقستان رەسپۋبليكاسى-ەۋروپالىق وداق” پارلامەنتتىك ىنتىماقتاستىق كوميتەتىنىڭ 9-شى وتىرىسى بولىپ ءوتتى قازاقستان رەسپۋبليكاسى پار­لا­مەنتىنىڭ ماجىلىسىندە ۇيىم­داس­تىرىلعان وسى ماڭىزدى حالىق­ارا­لىق باسقوسۋعا ەۋروپارلامەنت دەلەگاتسياسى, ءماجىلىس پەن سەنات دەپۋتاتتارى, كۇن تارتىبىندەگى ماسە­لەمەن اينالىساتىن ەلىمىزدىڭ بارلىق مەملەكەتتىك ورگاندارىنىڭ وكىلدەرى قاتىستى. باسقوسۋدىڭ العاشقى كۇنى وتى­رىستىڭ تەڭ توراعالارى – قازاقستان پارلامەنتى ءماجىلىسى توراعاسىنىڭ ورىنباسارى ۆلاديمير بوبروۆ وسى پالاتا اتى­نان جانە پاولو بار­تولوتستسي ەۋرو­پا­لىق پارلامەنت اتىنان قۇتتىقتاۋ ءسوز سويلەدى. ۆلاديمير بوبروۆ ءوز سوزىندە بيىلعى جىلى قازان ايىندا ەۋرووداق باسشى­لى­عىنىڭ شاقىرۋىمەن قازاقستان پرەزيدەنتى نۇر­سۇلتان نازارباەۆتىڭ بريۋسسەل قالا­سىنا ساپارى جوسپارلانىپ وتىرعانىن جەت­كىزدى. وندا ەلىمىزدىڭ ەقىۇ-عا جەتەكشىلىك ەتۋى جانە باسقا ماسەلەلەر ءسوز بولادى دەپ كۇتىلۋدە. وسى ورايدا “قازاقستان رەسپۋب­ليكاسى-ەۋروپالىق وداق” پارلامەنتتىك ىنتىماقتاستىق كوميتەتىنىڭ دە ايتارلىقتاي ءرول اتقاراتىنى بەلگىلى. وتىرىستا قازاقستان-ەۋرووداق قارىم-قاتىناسى جانە “قازاقستان رەسپۋبليكاسى- ەۋروپالىق وداقتىڭ” ارىپتەستىگى مەن ىنتىماقتاستىعى تۋرالى كەلىسىمنىڭ جۇزەگە اسۋى جونىندە پىكىر الماسىلدى. سونىمەن قاتار, 2009-2011 جىلدارعا ارنالعان “ەۋروپاعا جول” مەملەكەتتىك باعدار­لا­ما­سىنىڭ ىسكە اسىرىلۋى مەن 2009-2013 جىل­داردى قامتيتىن ەو-نىڭ ورتالىق ازياداعى سترا­تەگياسى,  قازاقستاننىڭ ەقىۇ-عا توراعالىق ەتۋى ماسەلەلەرى تالقىعا سالىندى. ەكىنشى كۇنگى وتىرىستا دا بىرقاتار ماسەلەلەر قارالدى. اتاپ ايتقاندا, قازاقستانداعى جانە ەۋرووداقتاعى ساياسي ۇدە­رىستەردىڭ دامۋى: دەموكراتيا, ادام قۇقىعى جانە كونستيتۋتسيالىق دامۋ, ساياسي پليۋراليزم, زاڭداردىڭ ءرولى, باق بوس­تاندىعى, قوعامداعى ايەلدەردىڭ جاعدايى مەن باسقا دا ماسەلەلەر كۇن تارتىبىنە شىعارىلدى. ادام ساۋداسى, ەسىرتكىمەن كۇرەس, لاڭكەستىك جانە ۇيىمداسقان قىلمىستارعا قارسى كۇرەس ماسەلەلەرى ءسوز بولدى. قازاقستان رەسپۋبليكاسىنىڭ 2009-2012 جىلدارعا ارنالعان ادام قۇقىقتارى سالا­سىنداعى ۇلتتىق جوسپارى تانىس­تى­رىلدى. پارلامەنت ءماجىلىسىنىڭ دەپۋتاتى, قازاقستان پرەزيدەنتى جانىنداعى ادام قۇقىقتارى جونىندەگى كوميسسيانىڭ توراعاسى ساعىنبەك تۇرسىنوۆ قازاقستانداعى ادام قۇقىق­تارىنىڭ جاعدايى تۋرالى ۇلتتىق جوسپار جونىندە اڭگىمەلەدى. ءلايلا ەدىلقىزى.