تاعايىنداۋ • 17 قاراشا، 2022

قىرىمبەك كوشەرباەۆ جاڭا قىزمەتكە كەلدى

184 رەت كورسەتىلدى

قىرىمبەك كوشەرباەۆ «ەمبىمۇنايگاز» كومپانياسىنىڭ تاۋەلسىز ديرەكتورى بولىپ سايلاندى، دەپ حابارلايدى Egemen.kz

«قازمۇنايگاز» ۇلتتىق كومپانياسى» اق باسقارما شەشىمىمەن قىرىمبەك ەلەۋ ۇلى كوشەرباەۆ «ەمبىمۇنايگاز» اق ديرەكتورلار كەڭەسىنىڭ مۇشەسى - تاۋەلسىز ديرەكتور بولىپ سايلاندى»، دەلىنگەن  كومپانيانىڭ رەسمي سايتىندا. حابارلاما 2022 جىلدىڭ 17 قاراشاسىندا جازىلعان.

قىرىمبەك كوشەرباەۆ 1978 جىلى قازاق پوليتەحنيكالىق ينستيتۋتىن، 1991 جىلى كوكپ وك جانىنداعى قوعامدىق عىلىمدار اكادەمياسىن بىتىرگەن. قۇرىلىس ينجەنەرى، ساياساتتانۋشى. ساياساتتانۋ عىلىمدارىنىڭ دوكتورى، فيلوسوفيا عىلىمدارىنىڭ كانديداتى. I كلاسستى توتەنشە جانە وكىلەتتى وكىلى (2003).

ول قازاقستاننىڭ رەسەيدەگى، فينلياندياداعى جانە ارمەنياداعى توتەنشە جانە وكىلەتتى ەلشىسى بولدى، 2006 جىلدان 2011 جىلعا دەيىن ماڭعىستاۋ وبلىسىنىڭ اكىمى قىزمەتىن اتقاردى. 2012 جىلى قر پرەزيدەنتىنىڭ كەڭەسشىسى، 2012-2013 جىلدارى قر پرەمەر-ءمينيسترىنىڭ ورىنباسارى، 2013-2019 جىلدارى قىزىلوردا وبلىسىنىڭ اكىمى، 2019 جىلى قر پرەزيدەنتى اكىمشىلىگىنىڭ باسشىسى، ال 2019-2022 جىلدارى قازاقستان رەسپۋبليكاسىنىڭ مەملەكەتتىك حاتشىسى قىزمەتتەرىن اتقاردى. 

ءى دارەجەلى «بارىس»، «پاراسات»، II دارەجەلى «بارىس»، «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ» وردەندەرىمەن ماراپاتتالعان.

سوڭعى جاڭالىقتار

ۇقساس جاڭالىقتار