15 قاراشادا جامبىل وبلىسى تج دەپارتامەنتىنە جۋالى اۋدانى, شىمبۇلاق اۋىلىنىڭ ءۇش تۇرعىنى 18 ساعات 05 مينۋتتا شىمبۇلاق اۋىلىنان 15 كم شاقىرىم قاشىقتىقتا بوراندا جولدان اداسىپ كەتكەندىگى جونىندە حابارلاما كەلىپ تۇسكەن.
جوعالعان ادامداردى ىزدەستىرۋگە ءتورت ءورت ءسوندىرۋشى-قۇتقارۋشى, ۋچاسكەلىك پوليتسيا جانە ءبىر جەرگىلىكتى تۇرعىن جول تالعامايتىن «ترەكول» كولىگىمەن شىقتى. مەزگىلدىڭ قويۋ قاراڭعىلىعى مەن بوراننىڭ باستالۋى سەبەپتى ەشنارسە كورىنبەيتىن جاعداي تۋىنداعاندىقتان ىزدەستىرۋ جۇمىستارى كەلەسى كۇنگى تاڭەرتەڭگى مەزگىلگە شەگەرىلدى.
16 قاراشا كۇنى تاڭەرتەڭ جارىقتا ىزدەستىرۋ جۇمىستارى قايتا باستالىپ, ساعات 10:35-تە شىمبۇلاق اۋىلىنان قىرىق شاقىرىم قاشىقتىقتا جوعالعان ادامدار تابىلدى. ولاردىڭ تاۋ بوكتەرىندەگى اۋماقتان تراكتورمەن ماقسارى شابۋعا شىققانى بەلگىلى بولدى. تۇرعىندار مەديتسينالىق كومەككە مۇقتاج بولعان جوق.
