اشىق دەرەككوزدەردە بيلىك پارتيالارىن قارجىلاندىرۋعا 1 ميلليارد دوللار جۇمسالاتىنى تۋرالى اقپارات تاراعان. قارجى ءمينيسترى بۇل اقپاراتقا تۇسىنىكتەمە بەردى.
«بۇل - وتىرىك. ءبىز تەك Amanat پارتياسىن عانا ەمەس, ماجىلىستە وتىرعان بارلىق پارتيالاردى قارجىلاندىرامىز», دەدى ەرۇلان جاماۋباەۆ.
مينيستر قارجىلاندىرۋ اياسىندا زاڭمەن قابىلدانعان بەلگىلى ءبىر ەسەپتەۋلەر بار ەكەنىن اتاپ ءوتتى.
«قاراجات زاڭمەن قابىلدانعان ەسەپتەۋلەردىڭ نەگىزىندە بولىنەدى. جالپى, سوما جايلى ايتاتىن بولساق, پارلامەنتتە ۇسىنىلعان بارلىق پارتيالارعا شامامەن 8 ملرد تەڭگە بولىنەدى», دەپ ءتۇسىندىردى ەرۇلان جاماۋباەۆ.
ول پارلامەنتتە ءۇش پارتيا بار ەكەنىن ەسكە سالدى.
