ادام قۇقىقتارىنا – ايرىقشا نازار

26 مامىردا ساعىنبەك تۇرسىنوۆتىڭ توراعالىق ەتۋىمەن قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ “2009 جىلى قازاق­ستان رەسپۋبليكاسىنداعى ادام قۇقىق­تارىنىڭ احۋالى تۋرالى” باياندامانىڭ (بۇدان ءارى – كوميسسيا بايانداماسى) جوباسىن تالقىلاۋعا ارنالعان كەڭەيتىلگەن وتىرىسى بولىپ ءوتتى. وتىرىس حالىقارالىق جانە ۇلتتىق ساراپشىلاردىڭ, مەملەكەتتىك ورگانداردىڭ, قازاقستاندا تىركەلگەن حالىقارالىق ۇيىم­دار باسشىلارىنىڭ, ەلىمىزدىڭ ۇكىمەتتىك ەمەس قۇقىق قورعاۋ ۇيىمدارىنىڭ, سوت جۇيەسى, ادۆوكاتۋرا ينستيتۋتى, بۇقارالىق اقپارات قۇرالدارى وكىلدەرىنىڭ قاتىسۋىمەن ءوتتى. ادام قۇقىقتارى جونىندەگى كوميسسيا بايانداماسىن ونى دايىنداۋعا قاتىسقان كوميسسيا مۇشەلەرى تاستەمىر ابىشەۆ, لەونيد مارتىنوۆ, ۆيتالي ۆورونوۆ جانە ەڭلىك نۇرعاليەۆا تانىستىردى. جان-جاقتى تالقىلاۋ ناتيجەلەرى بو­يىنشا كوميسسيانىڭ “2009 جىلى قازاق­ستان رەسپۋبليكاسىنداعى ادام قۇقىق­تارىنىڭ احۋالى تۋرالى” بايانداماسىن مەم­لەكەت باسشىسىنىڭ قاراپ, بەكىتۋىنە ۇسىنۋ تۋرالى شەشىم قابىلداندى.