كانديدات جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ ۇجىمىمەن كەزدەسىپ, مامانداردى جۇمىسپەن قامتاماسىز ەتۋ ماسەلەسىنە توقتالدى.
«اۋىلدىق جەرلەر مەن قالانىڭ دامۋ دەڭگەيىندە ايىرماشىلىق بار ەكەنى جاسىرىن ەمەس. وسىنى انىق اڭعارىپ, كورىپ جۇرگەن جاستار وقۋ بىتىرگەن سوڭ قالادا قىزمەتىن باستاپ, سول جەردە تۇراقتاپ قالۋدى كوزدەيدى. بىراق ءوزىمىز ايتقانداي, اۋىلداردى دامىتۋ مەملەكەتتىڭ باستى باعىتتارىنىڭ بىرىنە اينالىپ وتىر. وسى رەتتە «ديپلوممەن – اۋىلعا!» باعدارلاماسىنا وزگەرىستەر ەنگىزۋ قاجەت دەپ سانايمىن», دەدى جيگۋلي دايراباەۆ.
كانديدات اۋىلدان شىققان جاستار, قايتا اۋىلعا ورالىپ, ءوز تۋعان جەرىنىڭ دامۋىنا ۇلەس قوسۋى قاجەت دەيدى. «ەلىمىزدەگى اۋىل شارۋاشىلىعى باعىتىنداعى ۋنيۆەرسيتەتتەردىڭ تۇلەكتەرى نەگە ماماندىق بويىنشا جۇمىس ىستەۋگە بارمايدى؟ بىرىنشىدەن, سالاداعى جالاقىنىڭ تومەندىگىنە بايلانىستى. ەكىنشىدەن, اۋىلداعى تۇرمىستىق جاعدايدىڭ قيىندىعى, كوپتەگەن اۋىلدا قاراپايىم سۋىق سۋ, ينتەرنەت جوق, جول وتە ناشار», دەدى ج.دايراباەۆ.
