تاراز جانە جاقىن ماڭداعى ەلدى مەكەندەردىڭ تۇرعىندارىن تولعاندىراتىن وزەكتى ماسەلەلەر – قورشاعان ورتانىڭ لاستانۋى, ازىق-ت ۇلىك باعاسىنىڭ ءوسۋى, الەۋمەتتىك تولەمدەر, اۋىل شارۋاشىلىعى ونىمدەرىن قايتا وڭدەۋ.
كاسىپورىن ديرەكتورى شاعىن جانە ورتا بيزنەسكە قاتىستى ادىلەتسىزدىككە شاعىمداندى. ء«ىرى كاسىپورىندار جەڭىلدىكتەر الادى, ەلەكتر ەنەرگياسىن تومەندەتىلگەن تاريفتەرمەن تولەيدى, ال ءبىز كوبىرەك تولەيمىز. باعالار ءوسىپ جاتىر. ينفلياتسيا, جالاقى, سۋ, گاز, جارىق ءۇشىن تولەنۋى كەرەك! بىراق بىزگە ءونىمنىڭ باعاسىن ۇستاپ تۇرۋ كەرەك دەيدى. ال ءىرى بيزنەس باسشىلىعىنا نەگە بۇلاي ايتىلمايدى؟», دەدى ول.
ء«ىرى كومپانيالار ەكولوگيالىق زاڭنامانى, شارتتارداعى ءوز مىندەتتەمەلەرىن ءجيى بۇزادى. زاۋىتتارداعى جابدىقتى جوندەۋدەن نەمەسە جاڭارتۋدان گورى ولارعا ايىپپۇل تولەۋ وڭايىراق. ونەركاسىپتىك كاسىپورىندارعا ارنالعان زاماناۋي تازارتۋ قوندىرعىلارى قىمبات, سوندىقتان ولار ورناتىلمايدى. ال اۋانىڭ, توپىراقتىڭ لاستانۋى, ادامداردى ءارتۇرلى اۋرۋلارعا دۋشار ەتەدى. مەنىڭ ويىمشا, ايىپپۇل سوماسىن ۇلعايتۋ, زاڭنامانى قاتاڭداتۋ, شارتتاردىڭ بارلىق تارماقتارىنىڭ ورىندالۋىن مىندەتتەۋ جانە باقىلاۋ قاجەت», دەدى م.قاجىكەن.
