مەملەكەت باسشىسى ەۋرازيالىق ەكونوميكالىق وداقتىڭ قۇرىلۋىمەن قۇتتىقتادى

استانا. 29 مامىر. ەۋرازيالىق ەكونوميكالىق وداق بۇل ەڭ الدىمەن ەكونوميكالىق بىرلەستىك, قاتىسۋشى مەملەكەتتەردىڭ ساياسي ەگەمەندىگىنە ەش قاتىسى جوق. مەملەكەت باسشىسى نۇرسۇلتان نازارباەۆ ەۋرازيالىق ەكونوميكالىق وداق قۇرۋ تۋرالى شارتقا قول قويىلعاننان كەيىن وسىلاي دەپ رەسمي تۇردە مالىمدەدى. بۇل تۋرالى «قازاقپارات» حابارلادى. پرەزيدەنت: «قىمباتتى قازاقستاننىڭ, رەسەي مەن بەلارۋس ەلىنىڭ ازاماتتارى! حانىمدار مەن مىرزالار! ەۋرازيالىق ەكونوميكالىق وداق تۋرالى شارتقا سالتاناتتى تۇردە قول قويۋ قوعامدىق وكىلدەر, زيالى قاۋىم مەن ءۇش ەلدىڭ پارلامەنت دەپۋتاتتارىنىڭ كورپۋسى, ءباسپاسوز وكىلدەرى مەن جاستار قاتىسىپ وتىر. مەن بارشالارىڭىزدى ەۋرازيالىق ەكونوميكالىق وداق قۇرۋ تۋرالى شارتقا قول قويىلۋىمەن قۇتتىقتايمىن! ءبىز ءوزىمىزدىڭ ەكونوميكالىق الەۋەتىمىزدى حالىقتارىمىزدىڭ يگىلىكتە ءومىر ءسۇرۋى ءۇشىن بىرىكتىرىپ وتىرمىز. ەۋرازيالىق ەكونوميكالىق وداق بۇل ەڭ الدىمەن ەكونوميكالىق بىرلەستىك, قاتىسۋشى مەملەكەتتەردىڭ ساياسي ەگەمەندىگىنە ەش قاتىسى جوق», – دەدى. جولدىباي بازار. دەرەككوز: «قازاقپارات». فوتو: «قازاقپارات».