«ناۋرىزدا مەن مەملەكەتتىڭ نەگىزگى ينستيتۋتتارىن قايتا ىسكە قوسۋعا باعىتتالعان ساياسي جاڭعىرتۋدىڭ اۋقىمدى باعدارلاماسىن ۇسىندىم. ماۋسىم ايىندا وتكەن جالپىحالىقتىق رەفەرەندۋمدا حالقىمىز تاعى دا بىرلىگىن تانىتىپ, كونستيتۋتسياعا ەنگىزىلگەن وزگەرىستەردى قولدادى. كونستيتۋتسيالىق رەفورما ساياسي جۇيەمىزدىڭ قىزمەت ەتۋىنىڭ مۇلدە جاڭا ستاندارتتارىن بەلگىلەيدى, مەملەكەت پەن قوعام اراسىنداعى قارىم-قاتىناستى جاڭاشا ايقىندايدى», دەدى مەملەكەت باسشىسى.
پرەزيدەنتتىڭ ايتۋىنشا, بۇل بۇرىنعى بارلىق قايتا قۇرۋلاردىڭ جالعاسى جانە مەملەكەتتىگىمىزدى ودان ءارى نىعايتۋدىڭ بەرىك ىرگەتاسى.
«كونستيتۋتسيالىق رەفورمانى ءىس جۇزىندە جۇزەگە اسىرۋ اياسىندا 5 قاراشادا تاياۋ كۇندەرى كۇشىنە ەنەتىن بىرقاتار ىرگەلى زاڭعا كوپشىلىك الدىندا قول قويدىم. ءبىز جەر مەن بارلىق تابيعي رەسۋرستار حالىققا تيەسىلى دەگەن ءپرينتسيپتى ماڭىزدى نورمانى بەكىتتىك. سونداي-اق ارالاس سايلاۋ جۇيەسىنە كوشۋدى بەكىتتىك. وسىنىڭ بارلىعى مەملەكەتتىڭ تۇراقتى دامۋىنا, ازاماتتىق قوعامنىڭ پروگرەسسيۆتى ىلگەرىلەۋىنە جانە حالىقتىڭ ءال-اۋقاتىن ودان ءارى جاقسارتۋعا جاعداي جاسايدى», دەپ قوستى ول.
