«2025 جىلعا قاراي 28 سەيسموستانتسيانى ورناتۋدى, سودان كەيىن ولاردى قىرعىزستاننىڭ ەرتە حابارلاۋ جۇيەسىمەن بىرىكتىرۋدى تاپسىرامىن. سونىمەن قاتار, قالادا توتەنشە جاعدايلار تۋرالى سويلەۋ حابارلامالارىن بەرۋ مۇمكىندىگىمەن ىقپالداستىرىلعان حابارلاۋ جۇيەلەرىنىڭ جۇمىسىن جولعا قويۋ كەرەك. بۇل جۇمىستا ۇلكەن دەرەكتەردى پايدالانۋ كەرەك», دەدى قاسىم-جومارت كەمەل ۇلى.
ول ءۇشىن اكىمدىك احۋالدىق ورتالىقتىڭ قىزمەتىن تولىققاندى ىسكە قوسۋى قاجەت. ول بەينەباقىلاۋ جۇيەلەرىنىڭ, جول ترافيگىنىڭ, قوڭىراۋ بەلسەندىلىگىنىڭ, الەۋمەتتىك ينفراقۇرىلىمنىڭ دەرەكتەرىن جيناقتايدى.
پرەزيدەنت قالانىڭ «تسيفرلىق ەگىزىن» قۇرۋ يدەياسى اقپاراتتىق تەحنولوگيالار سالاسىنداعى زاماناۋي ۇردىستەرگە جانە ۇزدىك حالىقارالىق تاجىريبەلەرگە جاۋاپ بەرەتىنىن اتاپ ءوتتى.
«قىركۇيەك ايىنداعى جولداۋىمدا مەن ءار قالا بويىنشا جەر ۋچاسكەلەرىنىڭ فۋنكتسيونالدىق ينتەراكتيۆتى كارتالارىن جانە كوممۋنالدىق جەلىلەردىڭ سحەمالارىن جاساۋدى تاپسىردىم. الماتىدا بۇل تاپسىرما "تسيفرلىق ءدۋبلدى" دامىتۋ جانە قالانىڭ باس جوسپارىن تۇزەتۋ اياسىندا جۇزەگە اسىرىلۋدا. بۇل جوبالار ءبىر-بىرىمەن بايلانىستا جۇزەگە اسىرىلاتىن جۇيەلىك ءتاسىلدىڭ جاقسى مىسالى. بۇل, تۇتاستاي العاندا, مەنىڭ جاقىن بولاشاقتاعى قالانى دامىتۋدىڭ نەگىزگى باسىمدىقتارى تۋرالى كوزقاراسىم», دەدى قاسىم-جومارت توقاەۆ.
پرەزيدەنت اتاپ وتكەندەي, بۇگىندە كورسەتىلگەن بارلىق تاپسىرمالار مەن جوبالار, ەڭ الدىمەن, الماتىلىقتاردىڭ ءومىر ءسۇرۋ ساپاسىن جاقسارتۋعا, ەكونوميكالىق الەۋەتتى كۇشەيتۋگە جانە قالانىڭ تارتىمدىلىعىن ارتتىرۋعا باعىتتالعان.
مەملەكەت باسشىسى بۇل مىندەتتەردى ىسكە اسىرۋ ءوزىنىڭ ەرەكشە باقىلاۋىندا بولاتىنىن ايتتى.
