پرەزيدەنت ءوز سوزىندە قورشاعان ورتا ازاماتتاردىڭ دەنساۋلىعى مەن ءومىر ءسۇرۋ ۇزاقتىعىنا تىكەلەي اسەر ەتەتىنىن اتاپ ءوتتى.
-سوندىقتان ەكولوگيا ماسەلەلەرى ارقاشان مەنىڭ نازارىمدا. الماتىلىقتار اۋانىڭ لاستانۋىنىڭ جوعارى دەڭگەيىنە قاتتى الاڭدايتىنىن بىلەمىن. بۇل ماسەلە قالا تۇرعىندارى ءۇشىن ەڭ ماڭىزدىلارىنىڭ ءبىرى ساناتىنا ءوتتى جانە دەرەۋ شەشۋدى تالاپ ەتەدى, - دەدى ق.توقاەۆ.
مەملەكەت باسشىسى اتاپ وتكەندەي, جىل سايىن اتموسفەراعا لاستاۋشى زاتتار شىعارىندىلارىنىڭ كولەمى شامامەن 125 مىڭ توننانى قۇرايدى. نەگىزگى كوزدەر - اۆتوكولىك (55%), قالالىق جەو جانە ونەركاسىپتىك كاسىپورىندار (35%), سونداي-اق گازداندىرىلماعان جەكە ۇيلەر (شامامەن 10%) قۇراپ وتىر. سوندىقتان جول-كولىك جۇيەسىنىڭ تيىمدىلىگىن ارتتىرا وتىرىپ, قالا ەكولوگياسىن ايتارلىقتاي جاقسارتۋعا بولادى.
- جاڭا تەحنولوگيا مەن اقىلدى ترافيكتىڭ ارقاسىندا ازاماتتاردىڭ ۇتقىرلىعى قورشاعان ورتاعا تەرىس اسەر ەتپەيدى. اكىمدىك قالادا, ەڭ الدىمەن ونەركاسىپتىك كاسىپورىنداردا ەكولوگيالىق قاۋىپسىزدىك نورمالارىنىڭ ساقتالۋىن قاتاڭ قاداعالاۋعا ءتيىس. جەو-2 جانە جەو-3-ءتى گازعا اۋىستىرۋ زياندى شىعارىندىلار دەڭگەيىن ون ەسەدەن استام تومەندەتۋگە مۇمكىندىك بەرەدى, - دەدى قاسىم-جومارت كەمەل ۇلى.
