بىتىمگەرلىك دايىندىق ورتالىعىنىڭ باستىعى, پولكوۆنيك باۋىرجان نىعمەتۋللين قورعانىس مينيسترلىگىنىڭ قۇرىلىمدىق بولىمشەسىنىڭ قۇرىلۋ تاريحى مەن اتقاراتىن قىزمەتىنىڭ باستى باعىتتارى تۋرالى ايتىپ بەردى.
ديپلوماتتار سونداي-اق وقۋ باعدارلامالارىمەن, سونىڭ ىشىندە بۇۇ-نىڭ بىتىمگەرلىك ميسسيالارى شەڭبەرىندە تىلدەردى قارقىندى دايارلاۋ جانە بەيبىت تۇرعىنداردى قورعاۋ كۋرستارىمەن تانىستى.
كەزدەسۋ بارىسىندا تاراپتار بىتىمگەرلىك قىزمەتتەگى گەندەرلىك اسپەكتىلەردى تالقىلادى. كانادا – بۇۇ قاۋىپسىزدىك كەڭەسىنىڭ «ايەلدەر. الەم. قاۋىپسىزدىك» 1325 رەزوليۋتسياسىن بەلسەندى قوزعاعان ەل. بيىل ماۋسىم ايىندا كانادا ەلشىلىگىنىڭ قولداۋىمەن استانا مەن نيۋ-يوركتەگى «بۇۇ – ايەلدەر» قۇرىلىمىمەن بىرلەسىپ, وسى تاقىرىپ توڭىرەگىندە كۋرس وتكىزدى.
كەزدەسۋ سوڭىندا كانادانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى الان حەمسون قازاقستاندىق تاراپقا جىلى قابىلداعانى ءۇشىن العىسىن ءبىلدىرىپ, ىنتىماقتاستىققا دايىن ەكەنىن جەتكىزدى.
