بۇل جوبانىڭ نەگىزگى ماقساتى – ەلىمىزدىڭ ءار وڭىرىنەن ەرەكشە ءبىلىم بەرۋ قاجەتتىلىگى بار بالالار اراسىنان تالانتتىلاردى انىقتاپ, ولاردىڭ شىعارماشىلىق قابىلەتىن شىڭداپ, ونەرىنىڭ دامۋىنا جاعداي جاساۋ. وندا دارىندى جەتكىنشەكتەر «ۆوكالدىق ونەر», «بي ونەرى» جانە «اسپاپتا ورىنداۋ» اتتى اتالىمدار بويىنشا ونەر كورسەتتى.
فەستيۆالعا قاتىسقان بالالاردى مادەنيەت جانە سپورت ءمينيسترى داۋرەن اباەۆ قۇتتىقتاپ, ينكليۋزيۆتى ءبىلىم بەرۋ مەن قوعامدى دامىتۋدا مۇنداي جوبانىڭ ماڭىزى زور ەكەنىن اتاپ ءوتتى.
«ونەر – ادامنىڭ جانىن عانا ەمدەمەيدى, ونىڭ تانىنە دە تىرەك بولادى. بالالاردىڭ تالانتىن اشۋدا مۇنداي الاڭدار قاشاندا قاجەت. سوندىقتان وسى جوبانى جۇزەگە اسىرۋعا اتسالىسقان ازاماتتاردىڭ بارلىعىنا العىس ايتامىن. سىزدەر بالالاردى باقىتتى, ال قوعامدى مەيىرىمدى ەتۋگە ۇلەس قوسىپ وتىرسىزدار», دەدى مينيستر.
گالا-كونتسەرتتىڭ ءبىر ەرەكشەلىگى بالالار روزا رىمباەۆا, ايجان نۇرماعامبەتوۆا, قۇرماش ماحان, سالتانات مەڭدىعاليەۆا, الىبەك الماديەۆ, رۋحيا بايدۇكەنوۆا, ديدار ابدۋحالىق سەكىلدى تانىمال انشىلەر جانە «استانا سازى» مەملەكەتتىك فولكلورلىق ءانسامبلى, «مەلومەن» توبى, Turan فولكلورلىق-ەتنوگرافيالىق ءانسامبلى, Forte Trio جانە Saz&Soul شىعارماشىلىق ۇجىمدارىمەن بىرگە ونەر كورسەتىپ, كورەرمەندەرگە تاماشا تارتۋ جاسادى. سونداي-اق فەستيۆالگە قوناق رەتىندە «قاناتتىلار» ينكليۋزيۆتى تەاترىنىڭ جەتەكشىسى ارنۇر يسكاكوۆ, حالىقارالىق بايقاۋلاردىڭ لاۋرەاتى التىنشاش مۇقاتاەۆا جانە جاس ءانشى سەۆدا قاتىسىپ, كەشتىڭ شىرايىن كىرگىزدى. سونىمەن قاتار جوباعا قاتىسۋشى بالالاردىڭ وزدەرى جاساعان بەينەلەۋ جانە ساندىك-قولدانبالى ونەر تۋىندىلارى دا كەلۋشىلەردىڭ كوڭىلىنەن شىقتى. مادەني شاراعا BI جۇلدىزاي كورپوراتيۆتىك قورى, BINOM SCHOOL جانە «نۇرلى جۇرەك» الەۋمەتتىك قامسىزداندىرۋ ورتالىعى قولداۋ كورسەتتى.
