«اباي, جامبىل, شىعىس قازاقستان, قاراعاندى, ۇلىتاۋ وبلىستارىندا جانە ەلوردادا ورتتەر جيىلەگەنى بايقالدى», دەدى ءاليحان سمايىلوۆ.
مينيسترلەر كابينەتىنىڭ باسشىسى كوپ جاعدايدا پەش, گاز جانە ەلەكتر جىلىتۋ كەزىندە قاراپايىم قاۋىپسىزدىك تالاپتارىن بۇزۋ الاپات ورتكە الىپ كەلۋى مۇمكىن ەكەنىن ايتتى.
«وسى بۇزۋشىلىقتارعا نەعۇرلىم ءتيىمدى دەن قويۋ جۇيەسىن قۇرۋعا باعىتتالعان شارالار قابىلداۋ قاجەت. ينسپەكتسيالاردىڭ وكىلەتتىكتەرىن كۇشەيتۋ بويىنشا جۇمىس جۇرگىزۋ قاجەت. ازاماتتار انىقتالعان بۇزۋشىلىقتاردى جويۋعا جانە بولاشاقتا ولاردى بولدىرماۋعا مۇددەلى بولۋى كەرەك. سونىمەن قاتار اۆتونومدى قازاندىقتاردى تۇرعىن ۇيلەردەن قاۋىپسىز قاشىقتىققا شىعارۋ ماسەلەسى بىرنەشە رەت كوتەرىلدى. بۇعان دا نازار اۋدارۋ قاجەت», دەدى ءاليحان سمايىلوۆ.
پرەمەر-مينيستر وڭىرلەردىڭ اكىمدەرى بۇل ماسەلەنى تولىعىمەن شەشىپ, ءتيىستى شارالار قابىلداۋى ءتيىس ەكەنىن اتاپ ءوتتى.
