«2 قاراشاداعى جاعداي بويىنشا گاز تولتىرۋ ستانتسيالارىنداعى قالدىقتار 180 توننانى قۇرايدى. بەكىتىلگەن جوسپار شەڭبەرىندە وبلىستىڭ ىشكى نارىعىنا سۇيىتىلعان مۇناي گازىن جەتكىزۋ 3438 توننانى قۇرايدى. الايدا, 26 قازاندا ء«اموز» جشس ەنەرگەتيكا مينيسترلىگىن قاراشا ايىندا گاز ءوندىرىسىن تومەندەتۋ جوسپارلانىپ وتىرعانى تۋرالى حاباردار ەتكەن. وسىعان بايلانىستى تۇپكىلىكتى ساتىپ الۋشىلار ءۇشىن جەتكىزۋ جوسپارى شەڭبەرىندەگى كولەم 35%-عا بىركەلكى تومەندەيتىن بولادى», دەپ ءتۇسىندىردى بقو ەنەرگەتيكا جانە تكش باسقارماسىنىڭ باسشىسى ميرجان نۇرتازيەۆ.
قاراشا ايىندا بقو-عا 2235 توننا جەتكىزۋ جوسپارلانۋدا.
«8 قاراشادا ء«اموز» جشس 7-14 قاراشا ارالىعىندا تەحنولوگيالىق قوندىرعىلارعا جوندەۋ جۇرگىزىلەتىنى تۋرالى حاباردار ەتتى», دەپ قوستى م. نۇرتازيەۆ.
ونىڭ ايتۋىنشا, ەنەرگەتيكا مينيسترلىگى «سنپس-اقتوبەمۇنايگاز» اق-مەن بىرلەسىپ, 504 توننا كولەمىندە قوسىمشا گاز ءبولدى.
وسىعان ۇقساس جاعداي بۇرىن اتىراۋ جانارماي قۇيۋ بەكەتتەرىندە دە بايقالعان ەدى.
