ء«بىلىم اLL» جوباسىن تالقىلاۋعا ارنالعان جيىندا ءوڭىر باسشىسى ەرالى توعجانوۆ: «مەملەكەت باسشىسىنىڭ قولداۋىمەن قازاقستاندا بالالاردىڭ جان-جاقتى دامۋى مەن ساپالى ءبىلىم الۋىنا بارلىق جاعداي جاسالعان. سونىڭ ىشىندە مەكتەپتەردىڭ ماتەريالدىق-تەحنيكالىق بازاسىن جاڭارتۋ, بىلىكتى مۇعالىمدەرمەن قامتاماسىز ەتۋ, ينتەرنەت بايلانىسىن كۇشەيتۋ بويىنشا اۋقىمدى جۇمىس ىسكە اسىرىلۋدا. اقتوبە وبلىسىندا دا 2025 جىلعا دەيىن 282 مەكتەپ جاڭارتىلادى. قازىرگى كەزدە 114 مەكتەپتىڭ پاندىك كابينەتتەرى جاڭادان جاساقتالىپ, مەكتەپ جيھازدارى, كىتاپحانالارى مەن اسحانالارىن جاڭارتۋ جۇمىستارى جۇرگىزىلىپ جاتىر. سوعان قاراماستان قالا مەن اۋىل مەكتەپتەرىنىڭ اراسىنداعى ءبىلىم ساپاسىنىڭ الشاقتىعى ۇلعايىپ بارادى. وعان اسەر ەتەتىن بىرنەشە ماسەلە بار. وسى كەمشىلىكتەردى جويۋعا, اۋىل بالالارىنىڭ ءبىلىم دەڭگەيىن جوعارىلاتۋعا ء«بىلىم اLL» جوباسى وڭ اسەرىن تيگىزەتىنىنە سەنىمدىمىن», دەدى. وبلىس اكىمى باستامانى قولداعان مۇعالىمدەرگە العىسىن ءبىلدىردى.
ايتا كەتۋ كەرەك, قازىرگى كەزدە وڭىردەگى 424 مەكتەپتىڭ 281-ءى ەلدى مەكەندەردە ورنالاسسا, ونىڭ 204-ءى – شاعىن جيناقتى مەكتەپ.
«العا اۋدانىنداعى 29 ءبىلىم وشاعىنىڭ 13-ءى شاعىن جيناقتى مەكتەپ. ماسەلەن, ءبىزدىڭ مەكتەپتە 58 بالا وقيدى. بۇل جوبا اۋىل مۇعالىمدەرىنە تاجىريبە جيناقتاۋعا جانە بىلىكتىلىگىن ارتتىرۋعا تاماشا مۇمكىندىك بەرەدى دەگەن سەنىمدەمىن», دەيدى العا اۋدانىنداعى قاراقوبدا اۋىلىنىڭ مەكتەپ-بالاباقشا ديرەكتورى ەركىنبەك زيادينوۆ.
جوباعا ەنگەن شاعىن جيناقتى مەكتەپتەردىڭ ءپان مۇعالىمدەرىنە ماتەماتيكا, فيزيكا, حيميا, بيولوگيا, اعىلشىن ءتىلى پاندەرى بويىنشا اقتوبەدەگى 6 جەتەكشى مەكتەپتىڭ ۇزدىك 25 مۇعالىمى ساباق بەرەدى. اقتوبەنىڭ ۇزدىك مۇعالىمدەرى دارىستەردى نەگىزىنەن ونلاين-ساباقتار تۇرىندە وتكىزەدى. ولاردىڭ قاتارىندا «دارىن» مەكتەپ-ينتەرناتى, ء«بىلىم-يننوۆاتسيا» ليتسەي-ينتەرناتى, مامانداندىرىلعان فيزيكا-ماتەماتيكا ليتسەي-ينتەرناتى جانە تاعى دا باسقا ۇزدىك مەكتەپتەر بار.
«قالا مەن اۋىلداعى ءبىلىم دەڭگەيىن تەڭەستىرۋ ماقساتىندا قولعا الىنىپ جاتقان جوبانىڭ قاتىسۋشىسى بولۋ – ءبىز ءۇشىن ۇلكەن مارتەبە. كوپ جاعدايدا اۋىلداعى دارىندى بالالاردى بىلىكتى مۇعالىمدەردىڭ جوقتىعىنان دەر كەزىندە تاني الماي جاتامىز», دەدى م.قۇسايىنوۆ اتىنداعى دارىندى بالالارعا ارنالعان مامانداندىرىلعان ليتسەي-ينتەرناتىنىڭ ماتەماتيكا ءپانىنىڭ مۇعالىمى, اقتوبە وبلىسىنىڭ ۇزدىك پەداگوگى نۇربەك ابدۋللين.
ىرىكتەلىپ الىنعان 120 شاعىن جيناقتى مەكتەپتەگى وقۋشىلاردىڭ ءبىلىم دەڭگەيىنىڭ جوعارىلاۋى نەمەسە تومەندەۋى ارنايى قۇرىلعان كوميسسيا جۇمىسىنىڭ قورىتىندىسى نەگىزىندە جانە وقۋشىلارىنىڭ تەست تاپسىرمالارىن ورىنداۋى ناتيجەسىندە باقىلانادى.
اقتوبە وبلىسى
