الدىمەن قازاقستاننىڭ مەديا كەڭىستىگى Meta كومپانياسى جانە TikTok سىندى الەۋمەتتىك جەلى تۇرلەرىمەن بايلانىس ورناتۋعا نيەتتى ەكەنىن ايتىپ وتەيىك. جاقىندا ەلوردادا وتكەن مەديا سالاسىنىڭ وكىلدەرىنە ارنالعان AstanaMediaWeek-2022 اپتالىعىندا اقپارات جانە قوعامدىق دامۋ ءمينيسترى دارحان قىدىرالى قوس كومپانيامەن تىعىز بايلانىستا جۇمىس ىستەيتىنىن مالىمدەگەن ەدى.
– Meta قازاقستاندا وكىلدىك, ال TikTok وفيس اشۋعا, سونىمەن قاتار مەدياساۋاتتىلىق كۋرستارىن وقىتۋعا نيەتتى. ويتكەنى قازىرگى تاڭدا ۆيزۋالدى كونتەنت اقپارات الۋدىڭ نەگىزگى كوزىنە اينالىپ بارا جاتىر. ماسەلەن, 2021 جىلدىڭ دەرەكتەرى بويىنشا 16-64 جاس ارالىعىنداعى ينتەرنەت پايدانۋشىلاردىڭ 63 پايىزى ينتەرنەتتى نەگىزىنەن اقپاراتقا جىلدام قول جەتكىزۋ ءۇشىن پايدالانادى. وسىلايشا, ينتەرنەتتەگى جاڭالىقتار مەن ۆيزۋالدى كونتەنت اقپاراتتى قابىلداۋدىڭ نەگىزگى ارناسىنا اينالدى, – دەگەن ەدى مينيستر.
قۇرامىنا Facebook, Instagram, WhatsApp جانە Oculus كىرەتىن Meta دەپ اتالاتىن ترانسۇلتتىق حولدينگتىڭ قازىرگى تاڭدا ءتۇرلى ەلدەردەگى فيليالدارىندا جۇزگە جۋىق قازاقتىڭ ءىت مامانى قىزمەت ەتەدى. سونىڭ ءبىرى – 22 جاستاعى عالىمجان كەنجەتاەۆ. الماتىلىق عالىمجان Meta-نىڭ لوندون قالاسىنداعى فيليالىندا Software Engineer بولىپ جۇمىس ىستەيدى.
– مەن مەكتەپتى الماتىدا ءبىتىردىم. مۋيت-تە وقىدىم. ءۇشىنشى كۋرستىڭ باسىندا الگوريتمدىك ەسەپتەرگە قىزىعۋشىلىق تانىتا باستادىم, سودان ءارتۇرلى تەحنولوگيالىق كومپانيالاردا تاعىلىمدامادان ءوتىپ, قوسىمشا جەرگىلىكتى ستارتاپتاردا تاجىريبە جيناقتادىم. 2021 جىلى پاندەميا اياقتالعان سوڭ كومپانيالار جاڭا قىزمەتكەرلەردى جيناۋدى قايتا باستاعاندا, مەن دە FAANG-قا ءوتىنىش بەردىم. Google, Meta جانە Amazon اڭگىمەلەسۋگە شاقىردى. ناتيجەسىندە, Meta جانە Amazon-نان ۇسىنىس الىپ, لوندونداعى مەتا-عا جۇمىسقا ورنالاستىم, دەدى عالىمجان شەتەلدەگى العاشقى قىزمەتى تۋرالى.
بۇرىندارى دا تۋريستىك ماقساتپەن بىرنەشە ەلدى ارالاعان عالىمجانعا لوندوننىڭ ومىرىنە بەيىمدەلۋ اسا قيىنعا سوقپاعان.
– كوشۋ كەزىندە قيىندىقتار بولعان جوق. ويتكەنى ءىرى تەحنولوگيالىق كومپانيالار قىزمەتكەرلەرگە قونىس اۋدارۋعا كومەكتەسەدى, ولار ۇشاق بيلەتى مەن تۇرعىن ءۇي اقىسىن تولەيدى. سونىمەن قاتار تىلدىك كۋرستان ءوتۋدى ۇسىنادى, ءتىپتى كەرەك دەسەڭىز ءۇي جانۋارلارىن دا تاسىمالداۋعا كومەك بەرەدى. وسىنداي قامقورلىقتىڭ ارقاسىندا IT كومپانيادا جۇمىس تاپقان ادام ءۇشىن بەيىمدەلۋ ۇدەرىسى الدەقايدا جەڭىل. مەن قازاقستاندا 22 جىل تۇردىم, شەتەلگە تەك تۋريست بولىپ باردىم. سوندىقتان العاشىندا ۇلىبريتانيانىڭ جەرگىلىكتى حالقىمەن ارالاسىپ كەتۋ قيىنعا سوعا ما دەپ ۋايىمداعان ەدىم. بىراق لوندوندا كوپ قازاق تۇراتىنىن كورگەن سوڭ, بىردەن كوڭىلىم ورنىنا ءتۇستى, كوپ دوستار تاپتىم, – دەدى عالىمجان.
جاس مامان Meta-دا AR ەففەكتىلەرى, ماسكالار جانە Instagram ويىندارىن جاسايتىن Spark AR كومانداسىنىڭ مۇشەسى. عالىمجاننىڭ ايتۋىنشا, كومپانيادا كەرى بايلانىسقا ەرەكشە ءمان بەرىلەدى, قىزمەتكەرلەرىنىڭ پىكىرىمەن ساناسۋ ءبىرىنشى ورىنعا قويىلعان.
– Meta كەرى بايلانىس مادەنيەتىنە يە. مۇندا ادامدار كونسترۋكتيۆتى پىكىر ءبىلدىرۋدى جانە ونى قابىلداۋدى ۇيرەنگەن. ءسىزدىڭ مانساپتىق ءوسۋىڭىز وسىعان بايلانىستى. ماعان كومپانيادا ۇنايتىنى, باعدارلامالىق قامتاماسىز ەتۋ ينجەنەرلەرى ءسىزدىڭ قاي تىلدە نەمەسە قانداي تەحنولوگيامەن جۇمىس ىستەيتىنىڭىزگە ءمان بەرمەيدى. باسقا كومپانيالاردا ادامدار بەلگىلى ءبىر تەحنولوگيالىق ستەككە بەلگىلى ءبىر لاۋازىمعا جالدانادى. Meta-دا ءسىزدى ءارتۇرلى تەحنولوگيالارمەن جۇمىس ىستەيتىن ءتۇرلى جوبالارعا قاتىستىرىپ جىبەرۋى ابدەن مۇمكىن. ەشكىم سەنەن ءبارىن بىلەدى دەپ كۇتپەيدى. اركىمگە قاجەتتى داعدىلاردى مەڭگەرۋ ءۇشىن ۋاقىت پەن تالىمگەر بەرىلەدى. جالپى, Meta-دا وزگە كومپانيالارمەن سالىستىرعاندا مۇمكىندىك كوبىرەك. ماسەلەن, لوندونداعى وفيستارىندا ءۇش رەت تاماق بەرەدى, ترانسپورتقا كەتكەن اقشانى وتەپ بەرەدى جانە سپورتقا قاتىستى ساتىپ العان زاتتارىڭىزدىڭ اقىسىن دا تولەيدى. بۇل جەردە دە باسقا ەلدەرگە ساپارلارعا شىعۋ مۇمكىندىگى بار. Meta ءسىزدى باسقا ەلدەن كوشىرىپ الىپ كەلگەن جاعدايدا, كوشۋمەن بايلانىستى بۇكىل شىعىنداردى وتەپ بەرەدى. سونىمەن قاتار تۇرعىن ءۇي تابۋعا, بۇرىن تۇرعان ەلدەن جەكە زاتتارىڭىزدى الىپ كەلۋگە كومەكتەسەدى, باستاپقى بىرنەشە اي وتەل ارەنداسىن تولەيدى, – دەپ Meta-نىڭ ارتىقشىلىقتارىن ايتتى وتانداسىمىز.
Meta-نىڭ تاجىريبەسىز مامانداردان دا بىردەن باس تارتپايتىنىن ايتقان عالىمجان: «بۇل جەردە تاجىريبەلى ماماندارعا ءتۇرلى ۆاكانسيالار اشىلادى. دەگەنمەن تاجىريبەسىز مامانداردى, ياعني وقۋ ورنىن جاقىندا بىتىرگەندەردى دە جۇمىسقا الادى. ەڭ باستىسى – ينتەرۆيۋ كەزىندە ەڭ قاجەتتى الگوريتمدىك ەسەپتەردى شەشە الساڭىز بولعانى. ودان بولەك, soft skills-قا, ياعني ادامي قاسيەتتەرگە كوپ كوڭىل بولەدى», دەيدى.
جۋىردا Meta باس ديرەكتورى مارك تسۋكەربەرگ كومپانيانىڭ 11 مىڭنان استام قىزمەتكەرىن قىسقارتاتىنىن مالىمدەگەن بولاتىن. وسى ماسەلەنىڭ انىق-قانىعىن عالىمجاننان سۇراعان ەدىك.
– 11 مىڭ ادام شىنىمەن قىسقارتىلدى. بۇل كومپانيا تاريحىندا ەڭ ءبىرىنشى ۇلكەن قىسقارتۋ. بۇل ارينە الەمدەگى ەكونوميكالىق جاعدايدىڭ سالدارى. كومپانيا شىعىندارىن ازايتۋ جانە ينۆەستورلاردىڭ كوڭىلىنەن شىعۋ ءۇشىن وسىنداي قادامعا بارىپ وتىر. بۇل قىسقارتۋ ماعان اسەر ەتكەن جوق, بىراق وكىنىشكە قاراي جۇمىستان بوساعان تانىستارىم بار», – دەدى ول.
«بولاشاقتا قازاقستانعا ورالاسىز با؟», دەگەن سۇراعىمىزعا عالىمجان «قازاقستانعا ورالاتىن ويىم بار. بۇل جەردەگى مەنىڭ باستى ماقساتىم – تاجىريبە جيناقتاۋ. ال بولاشاق ءومىرىمدى تەك قازاقستاندا ەلەستەتەمىن», دەدى.
اڭگىمە سوڭىندا عالىمجان جەتەكشى ءىت ۇيىمداردا قىزمەت ەتۋگە نيەتتى جاستارعا كەڭەس بەردى. «الەۋمەتتىك جەلىلەردى باقىلاۋعا كەڭەس بەرەمىن. ويتكەنى ءتۇرلى ۆاكانسيالار وسى جەلىلەردە كەڭىنەن تاراتىلادى. ماسەلەن, مەن Facebook رەكرۋتەرىنىڭ حابارلاندىرۋىن Linkedin-نەن كوردىم جانە وعان كورسەتىلگەن تالاپتارىنا سايكەس كەلەتىنىمدى جازدىم. وسىلايشا, مەن Facebook-پەن بايلانىس ورناتۋعا مۇمكىندىك الدىم. Amazon كومپانياسىنا دا مەندە جولداما بولدى. وسى ورايدا, تاعى ءبىر لايفحاك – Big Tech-تە جۇمىس ىستەيتىن ادامدارمەن سويلەسۋ كەرەك, تانىماساڭىز دا الەۋمەتتىك جەلىلەردىڭ مۇمكىندىگىن پايدالانىپ, بايلانىس ورناتۋعا بولادى. ءىرى كومپانيالاردا قىزمەت ەتەتىن قانداستارىمىز كوپ. بۇل ۇلكەن جەتىستىك. اڭگىمەلەسۋدەن ءوتۋ ءۇشىن اعىلشىن ءتىلىن ءبىلۋ, الگوريتمدىك ەسەپتەردى شەشۋ داعدىسىنا يە بولۋ بولۋ ماڭىزدى. سونداي-اق جەكە داعدىلارىڭىز دا ماڭىزدى. مىنەز-قۇلقىڭىزدى باقىلايتىن سۇحبات كەزىندە سىزگە «جۇمىس ورنىندا جانجالدار بولدى ما؟», ء«سىز اۋىر جۇمىس جۇكتەمەسىن قالاي كوتەردىڭىز؟», دەگەن سۇراقتار قويىلۋى مۇمكىن», دەپ ءبولىستى ول.
